唔好意思我有啲亂…
家長開初選擇普通學校/HAPPY SCHOOL, 就係唔希望太過迫學生追求學業, 但黎到升中, 大家又會希望學校派到多啲BAND 1學校, 最好有男女拔, st coed…但如果想讀呢啲學校, 咁我當初就唔會揀呢度啦
學校當然想同學仔盡量考BAND 1, 有幾高得幾高, 因為升中派位係小一家長選校好關鍵既因素
我作為普通學校既普通家長, 我感覺到其他家長都未必想"aim到最 high", 都唔希望為小朋友谷到爆既名校, 但如果作為小一既家長…“咦…呢間學校6年級派得咁差”…隨時因收生不足而殺校
可能我只是個普通人…
讀普通學校有乜問題?點樣叫做派得咁差?點樣又叫派得好?派得好或差是因為學校還是學生自己得到結果?人係個體,普通人都係人,都係可以學到野既人,衹係在於有冇心去學,"心"呢樣野唔係單靠學校可以比到,做得好自然一樣可以普通小學派到自己喜歡既中學.
我係見到家長同學校都有矛盾既地方
我小朋友宜家開始睇學校, 高不成低不就既佢
先要做到自己唔好有要求,孩子學到野就得,身心健康先係最重要. 唔需要一開始就覺得Band 2就一定令小朋友差,我的小朋友都係普通幼稚園Band 2小學,一樣可以成績好入到自己喜歡既Band 1中學,整條讀書路都快樂成長.
我覺得係家長唔知自己要咩，或者對自己都唔誠實
一部分，另一部分人追我又追。當發現讀讀下個個都暗自操兵時，你係咪可以置身事外？d 人aim 直私要開始執靚張成績表時，你係咪可以咩都唔做隨遇而安？
讀讀下發覺仔女有d讀書天份，唔搏一間好d學校會否對佢地唔住？
我覺得係順住個小朋友既勢，讀到書就安排一下，一般般就自由d, 如果小朋友已高小都可以商量升學問題。
至於樓主問題，學校係有任務要做好業績，只係你夠唔夠定力，幫仔女揀一間最岩佢既學校。
係我個區，中小學分佈都幾明顯，求學術既係左邊，開心學校係中間，sen校或邊緣校就右邊。求學術唔會expect有幾多課外活動，開心校唔會問派位，2者之間就按需要做好期望管理，預計到大概band 1位有幾多先入。
咁學校由你選擇個時佢教學理念有無變到？
你本身想小朋友升去咩中學而入呢間happy school？如果你地個目標係可以達到，就唔好理B1定B2。
除非係你做家長心態因為人追你又追而變咗質。
其實⋯⋯教育署內部係有分B 1、2、3，但好似從來都冇正式公布過，邊間係B 1，邊間係B 2，
而家喺出邊流傳緊嘅都係啲人網上估算嘅結果，
因為有人為因素影響，
這些 B 1、B 2 排名，大家都唔需要 盡信 及 太認真。
我印象教署當年只係公開，
那間學校批准可以用全英文教學，
即係我哋叫嘅「英中」「中中」，
無教署批准除咗英文科、英國文學、西史 之外，其他科目用中文授課。
「英中」上堂除咗中文、中史、中國文學之外，其他科全部都用英文授課。
當年批准用「英文」教學，或多或少都反影咗學校過去嘅學術成績。
但係好似後來這制度都放鬆咗（已經有10年），其他雜科都可以中英夾雜教學，
近幾年，教育不斷改革，大家都估到⋯⋯
我係想唔想讀書太辛苦, 但去到中學"唔想讀得太辛苦"就唔係揀學校既理由
我小朋友PUSH下"或者"上到BAND 1, 但佢絕對唔係喜愛學習既好學生, 對佢黎講永遠都係被迫功課, 被迫溫習…而我覺得BAND 1既學生, 係應該有讀書既自覺, 就算唔鍾意讀書, 都會知道讀書係佢既責任, 呢方面我小朋友係未得既…
合適小朋友最緊要
有些小朋友中文弱，英文超強。
遇上英語授課中學即脫胎換骨。
但可惜，升中要升熱門中學，往往成績掛帥⋯⋯
有幾多個小朋友 fail主科中文，可入讀具炙手可熱的名校？
Banding只是其中一個指標，
盡量發掘小朋友專長，找合適的學校吧
你估中左，我小朋友中文好弱，雖然英文都唔係強，但仍然比中文好
所以我其實係想佢入英中，但英中要整體成績好好先得，唔係剩睇英文……