真心有D餐廳真係可以好窄…
不過我估要好圓滑又拆得掂
睇到好似餐廳負責人親自電話道歉左？
如果係就原諒佢囉
希望其他餐廳都留意下！
2個讚
泰國大城船麵
未去過，唔知入面係點？係咪真係俾唔到一部輪椅入去。
而且輪椅都有好多種，電動輪椅好鬼大部，尤其佢地後面掛滿好多嘢，分分鐘側面仲闊過正面。
不過真係唔好咩都放上網公審。服務差遲早都會執。唔食呢間可以食第二間。
咪係囉，最尾嗰句真係好乞人憎。
1個讚
反而覺得呢啲人好恐怖。有少少名氣就…！
2個讚
其實佢只係係 threads 度出個 post 講, 跟住比人轉載左. 我覺得佢都係為坐輪椅既人發聲. 好多地舖如果門口有石級好高佢地根本入唔到去.
4個讚
如果你有睇thread原文，我估計佢見當時餐廳無乜人，所以先選擇入去。唔係好多人都要迫入去。
可能生意太好，如湯博士所講：遲啲都唔想做
1個讚
道歉講得算係幾大體
睇佢講個情況係其實當時待應如果肯張另一張枱拍埋一邊就可以比到佢入去
但餐廳就少咗張枱做生意
道歉就話個員工冇經驗所以唔識處理
我估都係冇指引，或者平時都係咁拒絕開
講真，如果係我係個待應，不嬲唔會咁做開，為咗接佢，同事又要搬枱又少咗枱做生意，比人話就有份，邊個會多謝我
呢傢當事人出聲迫老闆講清楚點做仲好
5個讚
啲侍應最好個客自己做埋。
我有朋友都係輪椅人仕，有次一齊食飯，咁佢係坐係走廊位，個侍應都只係用把口叫我朋友部電動輪椅泊埋張枱，唔好阻住條路，全程都係我朋友自己攪，個侍應無點幫過手搬下張枱。
問題佢都自爆話俾網民睇下。完全有心想用群眾壓力。
我諗有手有腳又好，殘障都好，人人都會遇到不公平事，唔通下下都要公審？有問題拎去平機會還自己公道仲好過。
2個讚
冇傢，實有唔好嘅侍應，有啲係你叫佢拎多隻碗仔都唔鍾意
有啲係見到同事幫個客拎隻碗都要話駛唔駛咁好服侍
體諒殘疾人士對呢類人太高要求，要講清楚俾佢哋知一定要咁做，佢哋先識做嘢
2個讚
港島真係好多餐廳仔，唔好話輪椅，連人都係側側身行。
1個讚
我都有睇單新聞,
講當時成間餐廳得3台客, 根本唔會阻倒人
2個讚
嘩原來係違法? 唔怪得鋪頭趕住出黎道歉
非出於設計問題 拒殘疾人進處所屬違法
根據本港《殘疾歧視條例》第25條，除非出於設計或建造問題外，任何人如拒絕容許該另一人進入或使用公眾人士或部分公眾人士有權或獲容許進入或使用（不論須付款與否）的任何處所，即屬違法。在2003年一宗投訴個案中，有食店男侍應看到投訴人是輪椅使用者後，即揮手示意他們離開，而當時店內仍有很多空位，在投訴人親戚一再堅持下，店員才肯提供服務。經「提早調停解決」後，男侍應向投訴人作出書面道歉。
(source: https://www.i-cable.com/新聞資訊/286200/殘奧雙金何宛淇銅鑼灣食飯遭拒-店員-輪椅阻住)
2個讚
同埋報導入面有講佢架輛椅電動好細部，我相信佢目測係可以入到，同埋佢都有講話比佢入去試下睇下得唔得，但當場被拒絕。
2個讚
佢果句嘢擺明玩群眾壓力
其實bb車case差不多
咁舖位設計係咁，餐廳都冇得揀喎
我意思係過高佢就唔會入，但而家唔係咁問題係佢有問可唔可以比佢試下直接比人拒絕，仲話佢阻地方。
2個讚
前線飲食業估計都冇受呢方面嘅training
1個讚