個女小三，有SEN.學校已經有社工跟進，功課同各樣測驗默書考試都有降低要求。
阿女都算中規中矩，不過好多嘢拖字訣，已經參加左功課班，每日功課由補習老師跟進，臨近默書測驗，老婆都會幫佢溫，但阿女金魚記憶同逃避，未睇就話唔識，老婆不斷俾壓力自己，又話好辛苦，抗壓能力好差，日呻夜呻，連基本夫妻嘅事都好耐無做過，我放假都會主動幫手跟進佢啲功課，我自己都有好多工作上嘅壓力，完全無同佢講過，而家搞到我都唔想對住佢，放工係樓下坐都唔想返屋企，點搞……
壓力源於期望同結果有落差。如果改變唔到結果，只能夠改變大家嘅期望。 你哋知道阿女SEN，係咪可以將對阿女嘅要求放低啲，如果可以, 咁你哋兩個都冇咁大壓力開心啲。如果唔可以，咁只能自尋煩惱,自討苦吃
5個讚
中規中矩已經係好好。
真係唯有做父母要降低子女期望。
既然係讀書上無咁好，就要培養小朋友其他興趣，係興趣中搵佢專長。
4個讚
你太太調整唔到期望，希望比心機教就會進步，但呀女做唔到，所以佢好絕望好無助唔知可以點好
我小朋友專注力不足比你女更嚴重，六年級，得三十分鐘左右專注力，勉強做得晒功課，之後就進入輕度弱智狀態，橫式寫除數，直式計咗乘數，你叫佢檢查吓有啲乜嘢唔啱，佢擦走寫加數，啲數字仲要同條橫式完全唔一樣
英文又係金魚記憶，臨瞓串一兩隻字，第二日起身搭車車返學又串吓，先記得少少
我成日提自己，小朋友個腦缺少咗啲分泌物，佢唔想自己係咁，佢冇錯，大人都冇錯，我同老公一直都學緊去接受小朋友嘅學業表現
6個讚
唉，我從來都佛系，從來無抱住好大期望，只要唔係第尾0分就得了，分數從來都唔著重，但阿女會無啦啦突然有驚喜，七八十分咁返嚟，就係呢份驚喜，令身邊老婆把口就講唔介意，求學不是求分數，但佢嘅著緊，真係令到身邊人好辛苦……
係辛苦到我寧願直踩唔放假，都唔想留係屋企，從來煩惱都係佢一個產生出嚟令身邊人受罪
2個讚
其他興趣，動嘅好叻，一教就識，記性重好好，呢啲嘢我明，但身邊人唔明，重要你去認同佢嘅睇法，我真係好L辛苦
我諗你唔好諗好L辛苦可能對自己對小朋友都好啲。
你地兩公婆教佢讀書辛苦，同樣佢讀書都覺辛苦。
既然知佢運動叻，有無參加學校校隊？
被你笑死＂進入輕度弱智狀態＂。
我小朋友攰起上嚟同你講嘅一模一樣。
2個讚
明白你既煩惱, 我無咩實際提議幫到你, 但字裡行間都feel 到你壓力好大
呢個真係好難搞, 阿女有好表現本來係好事黎, 但反而令你老婆期望阿女可以同一般學生睇齊 
你想逃避係可以理解, 但你仲想唔想同你老婆行落去?
2個讚
我覺得樓主就係唔知點樣同老婆行落去先唔開心
呢傢最大問題係呀女表現達唔到老婆要求老婆就唔開心，但事實上呀女已經做到能力範圍內嘅好好
老婆似係有「如果我降低要求即係害咗個女」嘅諗法
3個讚
我同老婆從來都無問題，大家都好愛大家，但一遇到阿女呢啲嘢佢就跳制，重要啱啱八歲踏入第一個反叛期，外父外母都有話過佢叫佢放輕鬆啲，當初我都覺得用錢可以解決到呢個問題，就係放學送佢去功課班，可以減輕老婆負擔同壓力，點知原來係一撚樣……又無能力移民
沿途係好辛苦，帶住sen小朋友
尤其係香港教育單一咁谷，今個星期默中文，下個星期默英文，個個星期都無得休息，小朋友認字困難就不停追趕進度。
我都好氣餒，有時得廿分，學習態度又唔上心，唯有調整家長自己心態，我預左佢讀完中學就學 一技之長。
我老公係唔參與一切學習上事情，最多係俾錢去補習。借啲漫畫書，提高佢對語文興趣。
你等老婆無咁緊張的日子，例如考試後，同佢book地方二人世界，放鬆住咁傾阿女其實勞氣都無用，不如要求每次高分少少，但求對比自己有進步。
如果有睇醫生，覆診時講下自己情緒，醫生都會俾啲意見俾家長點樣去面對。
same。我仔有年英文默書全年零分，我請假陪佢溫五句默書，溫足全日先勉強溫完兩句，但佢第日又忘記，我真係好激心，覺得浪費左假期同心機。
我都係提自己佢傳遞唔到去大腦做長期記憶，但當刻係好氣餒。我估樓主太太都係覺得付出左都無成果的嗰種失望同無力感，都唔知仲做咩先幫到女，但就會搞到家庭氣氛長期負能量。
2個讚
咁你老婆期望個女有咩成績？
有無機會傾得掂你老婆？
如果無，真係落公園坐下抖下。
有時我老公唔洗返工，但我小朋友好多功課要做，又要溫書，我會直接叫我老公出去搵job做住幾個鍾或去食個早餐先返番嚟。
同埋女人只要有人聽佢呻就得，唔洗要咩解決問題。除非佢話要決解問題先出聲俾意見。
至於夫妻嘅事都好耐無做過，有無長老睇住個女先? 如果有，睇下可唔可以俾長老睇半日，兩公婆拍下拖做番拍拖做嘅事囉。
2個讚
唔好
千其唔好
本身有（家庭/感情）問題去到邊都一樣
仲要冇人冇物冇家人back up 更加崩潰
4個讚
呢個好同意, 我都覺得老婆呻係想得到老公既支持同理解, 而唔係想老公實際幫佢解決問題
我記得以前睇過一個談判技巧，唔係要即刻反對方個point，而係認同咗對方先，等對方覺得你係自己友，再將自己嘅觀點擺入對方度
睇樓主寫嘅嘢，又冇話會同太太辯駁，反而似係頂唔住對方長期放負
我都覺得太太需要一個聆聽嘅人
同埋作為女人，我覺得夫妻關係好緊要，我覺得首要解決係大家要有返親密嘅習慣，呢樣嘢解決咗，可能其他問題就變得冇咁嚴重
4個讚
同幼兒扭計類似，女人訴苦嘅時候係先解決心情，再解決事情。但女人的話解決事情係optional ，你解決佢心情就ok 了。
3個讚
醫生有無建議過佢食藥控制?
又未去到要食藥呢個階段