岩岩收到個電話, 小熊來電無block 就聽下啦, 背後好多雜聲好嘈, 條友似響街打電話黎
男人: (普通話) 你是XXX 嗎 (我中文全名)?
我: (聽到普通話已無咩好感) 你有咩事?
男人: 你是XXX 嗎 (我中文全名)?
我: 你打黎咩事架?
男人: 你會說普通話嗎?
我: 唔識喎
(男人突然粒聲唔出收左線。)
好恐怖佢講得出我全名, 但問佢咩事佢又唔講。電話號碼係5586XXXX, 我又search 唔到呢個號碼係咩黎 (包括廣告電話之類)
岩岩3:00 又打黎, 但用左另一個號碼 5790XXXX, 又係一樣對白, 我答佢我唔識普通話但你咩事, 然後又收左我線。
港式廣東話係一流嘅武器，對住呢班人，唔使轉台。
男人: 你會說普通話嗎?
我會答: 唔撚識喎
我都係廣東話答佢唔識喎, 跟住佢cut 我線
但奇怪既係, 隔兩三個鐘又再用第二個number 打黎, 又講一樣既內容, 諗緊如果今日內再有唔識既電話係咪唔再聽算
呢家年尾，大劣人等錢過年。
有種scam 係錄你音再用program generate 你把聲做第二個scam. 唔出聲收線最好，不過我有時都忍唔住問候下先收線。
我同事都收過呢類既電話， 講普通話直接叫佢全名, 我同事好驚訝， 點解有條友會知佢全名 仲要講普通話，佢 即cut線
當響英國扮nhs ，英文1字，普通話2字嘅時候
kk 園已經接曬軌
又打黎了, 今次顯示個號碼係 5291 XXXX。
原來有咁既scam? 多謝你提醒我呀!!! 
我都有種感覺係條友keep 住打黎唔知有咩目的, 好似搏我同佢講野或者鬧佢。
(其實有咩事要通知我, 而我唔識普通話, 文字whatsapp 我都得啦)
今次見到呢個電話number, 已經feel 到似係佢, 我照聽但專登唔講野, 果然一聽, 又係果把男人聲, 係咁 nin hao、nin hao, 我都無回佢, 之後佢自行收線
突然諗起一個方法，唔使出聲㗎，如果你有個鐵嘅大兜，笠住個電話，然後搵嘢大力喪打個兜，對方會唔會耳都聾？
哈, 好似用電話拍片, 透過個電話望住人地燒焊一樣
市面上有冇啲好似超聲波驅蚊器咁可以炸返佢轉頭㗎
我都試過 同一把聲, 每次 唔同電話號碼 ，打嚟sell嘢， 連講嘢嘅速度 ，裏面嘅內容都係一模一樣， 煩到死， 我冇出聲，mute咗佢, 由佢自己講飽佢