(post deleted by author)
其實應付呢類人好簡單，首先，方知同個男同事講唔係咩大問題，簡單一句，清潔姐姐話唔好幾垃圾掉係個度，至於咩再婚個D，你越反抗，佢地越講，你咪答一句，好呀咪算，唔通佢地真係叫係離婚再婚咩，再唔係，係加多包，一個做小三，一個做小四
2個讚
我反而好同情你上司同女同事，完全唔知你咩事
2個讚
問題係，當你意識到你唔鐘意佢地話你鐘意個男同事果時就已經要好認真咁講唔好講哩啲笑，夠啦，我唔鐘意，又或者你想派膠嘅咪講下咩我好鐘意我老公之類。
但反而你又一而再，再而三又繼續帶起有關男同事嘅話題，人地會以為你好enjoy.
又或者咁問，如果冇清潔姐姐件事，你仲會唔會咁委屈咁嬲？
2個讚
唔好意思，太長無睇晒
但我覺得，如果你自認係唔玩得，唔講得笑嘅人，其實就無謂為咗扮fd而講埋啲懶好笑嘅嘢，就咁睇你都唔係好玩得
我覺得話個男同事買蛋糕果度，唔知有咩覺得尷尬，「原地再婚」呢句說話都好無謂，唔知個笑位向邊，佢哋鍾意講我會由佢講，最重要係有蛋糕食
然後話同個男同事講抌垃圾果單，我會好認真咁問一次：「你係咪用上司嘅命令要我同男同事講？」係嘅咪照講囉，都係公事
3個讚
咁你咪唔好咁聽話囉，我會話我講咗架啦，講咗架啦，無論佢有咩要求大聲啲細聲啲，我都會話我講咗架啦
因為當局者迷，就好似啲騙局咁，人哋叫你過錢就過錢，完全唔識say no
但過咗去就過咗去，唔再重要，重點係你而家學識say no、hea佢哋、笑一笑扮唔知、仲有「哦、ok、明晒」呢啲真係勁好用
總之就大家都係打份工，話就話上司、高一級，頂晒龍咪出多你一萬幾千蚊糧，唔係真係咁權威，唔洗驚佢哋
2個讚
熟同唔尊重係2件事
3個讚
問題
你呢啲位置處理得唔好
應該即時，認真講「我唔會講架！我同佢唔熟架！你哋唔好再亂講野！」
離開！！！唔好再參與呢啲話題！
你以為你「以笑遮醜」人哋以為你笑笑口，姐係講得，就繼續講
唔係話佢哋岩！但呢到你有表達出有機會令人誤會既反應！
暫時，冷靜下先！希望等佢哋知道你認真，拒絕同類型既話題
再慢慢參與一啲表面啲既話題，例如「咩餐廳好食、煮咩餸」之類
有關公司同事既話題，拒絕接收，離開
1個讚
全文太長，冇睇晒
如果我係最細果個，而我嘅上司想攞我上枱（冇人想同男上司講掉垃圾問題）
我會扮傻：「呢啲嘢邊輪到我呢啲小薯仔講呀。」
反而我會估樓主呢兩個女同事會唔會當中有一個對男上司有啲嘢，有啲女人自已有嘢就好鍾意話人有嘢……
2個讚
字眼睇，全office 都小學生咁。幾歲呀？仲講邊個鐘意邊個？
另外，睇到大家嘅溝通有問題，同埋好小事，咁樣同上司/同事交惡唔值得。
6個讚
我一路睇 都一路有咁嘅感覺
如果唔寫“同事”，變做“同學”
成件事就無曬違和感
同同事有返多少距離好啲
萬一交惡咗 點做落去
好老實, 其他人點會知你底線係邊?, 再加上你平時都有份笑另一女同事, 今次你又主動提男同事買蛋糕, 人地只會覺得今次同平時互笑一樣。
認同, 而且清潔阿姐係同上司講垃圾問題, 咁樓主拋返個波比上司就得。
1個讚
其實講呢啲嘢係大忌，你唔會知人哋心底會有幾介意，可能佢會一直記住，就算佢曾經笑過你…
以前比試過比人笑我同同事有路，我試過答「咁睇得起我？」「哇高攀唔起喎。」，「邊個傳埋啲咁美麗嘅誤會？」
最輕挑嗰次，都係講：「邊個敢唔鍾意老細，年尾份appraisal佢簽傢喎，你真係唔鍾意老細？」
1個讚
係，尤其是大家嘅關係只係同事
而且每個人條底線唔同
樓主條底線係私下講就冇所謂
可能佢同事係比人咁講已經好有所謂，只係擺喺心度，一直記住
可能樓主一早已無意得罪咗佢，今次人哋有心整蠱佢都唔出奇
1個讚
樓主認真咗
同事就係同事，唔係朋友，更加唔會係好姐妹
同事要離咗職一段日子仲keep到先叫做朋友
1個讚
恕我直言，我反而覺得係你自己嘅反應將件事變得尷尬
最初女上司叫你講，其實你只要大大方方咁走去個男同事個位度，以講公事而有禮貌嘅態度同佢轉述清潔姐姐嘅說話，咁件事就已經完。
但你又話"我唔講呀"，又喺自己個位度背住人講，閃閃縮縮，搞到自己好似"身有X"咁，先係最尷尬嘅位
同埋你上司講得啱，要叫佢以後將外賣盒拎出去掉，梗係要行去佢個位，細細聲講。你咁樣背住人大大聲講，一來好唔尊重果位男同事，二來好落佢面，話晒男同事都係高級，但你令全office都知佢比清潔姐姐話。如果女上司唔提你，可能你連男高層都得罪埋
7個讚
係wor, 我都冇留意到呢一點
1個讚
你講得啱，而家隔咗兩日，個人冷靜落嚟，再睇埋你哋嘅分析、回覆，其實自己處事都唔成熟。而且自己唔鍾意嘅嘢又唔敢表明立場，唉⋯好多嘢都係自己做成
1個讚
我反而覺得如果你係唔係好玩得
你唔好成日同人哋講咁多笑
因為你一講笑
人哋以為你好玩得
你說話正正經經
人哋就唔會同你講笑
唔講笑
返工就正經做嘢
1個讚