想請教各位，大家沖奶畀初生會用陰陽水嗎？
我用嘅明治奶粉係先放奶粉後放水，如果係先放一半量嘅70度熱水殺菌，再放已煮過攤涼嘅開水可以嗎？
因為網上查嘅陰陽水冇講明「冷水」嘅定義係有冇煮過或者幾凍，就話對腸胃唔多好。
但bb一醒就爆喊到劏豬咁狼
，想睇下有冇啲快速沖奶嘅方法
。唔該晒大家～～
買個坐奶器, 可以SET 溫度的, 用熱水80-100度 沖完奶, 放落去…( 我BB 個陣SET 40 -45 度都OK) 佢一起身即飲得 , 初生都係預3小時-4 小時一次, 趁佢未醒之前沖
人奶我都係咁SET, 佢飲前半小時前放去個坐奶器
陰陽水唔識答你
冇諗過咁多，都係用煲左既滾水同攤凍既開水黎開奶
只不過想講下，bb肚餓喊其實唔係大問題
可以放鬆啲！唔洗怕佢「喊」
唔好比佢既喊聲令到自己太緊張
你已經開緊奶，有幾快？有幾慢？
唔爭在個幾秒，輕鬆啲
3個讚
多謝你嘅建議！等我都搵下坐奶器先～～
多謝你鼓勵呀，可能仲係新手，真係會畀佢嘅喊聲「大」到，尤其是黃昏至夜晚喊唔停
3個讚
唔緊要，好正常
我覺得佢哋喊下仲好！食完奶快啲訓！
有時喊唔夠，冇「運動」食完奶唔肯訓,扭計！
個人感受同分享姐。唔一定岩既！
不過唔洗驚架，有咩就問啦，呢到人好nice
1個讚
我落1/3滾水，2/3攤涼咗嘅室溫水開奶
So far 我bb食又冇乜唔妥
呢度多數都熱心&理性～～～所以先敢喺呢度問～
2個讚
唔該晒你呀！咁我都試下睇下bb o唔ok～～
不過我熱水同室溫水嘅比例都會視乎環境有少少調節
多謝提醒！