點解咁多人鍾意佢哋嘅，喺街連啲男仔都掛住佢地嘅公仔
啲公仔細細隻，百幾二百蚊一隻….好誇張
以前角落生物都好似冇咁勁
Hello Kitty都唔得意㗎
咁我覺得佢哋幾德意
但估唔到咁多人痴迷佢地
漫畫個世界觀好正,係可愛樣暗黑劇情,好有深意
1個讚
頭先同小朋友買咗本#2
我識埋粟子饅頭同小桃鼠啦
小朋友好鍾意睇ig 葆琳啲配音片
日本公仔都係呢個價，我都唔明點解咁貴，貴到買唔落手。
細細隻百幾二百，大少少二百幾蚊隻。
不過都幾得意，希望我小朋友唔好入坑，如果唔係荷包乾硬化同屋企又要搵位擺。
我都有一隻。
如果真鍾意會玩到兩三年都值
細個佢鍾意角落生物，有幾隻公仔
玩咗唔夠兩個月真係變晒角落生物
最後Free咗比鄰居….
老公去咗日本，話見到手掌大少少2000yen 左右，應該平過香港
套卡通片好睇？我冇睇過
覺得ok既，冇話特別鍾意
鍾意角落生物多啲
1個讚
香港個啲好似間間都打晒龍通都係果個貴價。
角落生物始終有種背後靈感覺，好悲咁。
chikawa望落就陽光啲開心啲。
我女最鍾意小桃鼠,但佢係最黑暗既設定(俾怪獸奪舍)~
如果想睇動畫建議去IG搵日文原聲,中文字幕~
我屋企超多角落生物既野,好彩我無買過炒價手玉,而家跌曬價
1個讚
@Decaffe 角落生物係真正能量卡通,雖然角色有各自既煩惱,但都溫馨~~
CHIIKAWA其實唔係普通可愛卡通,入面有怪獸有咀咒有食小可愛一族既情節 仲有幾集講大飢荒
1個讚
我只睇過角落動畫同書，
chikawa暫時未有感動去睇。
但單睇公仔，chikawa公仔表情多所以會先入為主會覺得得意同開心
角落公仔啲角色無表情，所以其實望得多都有啲悶。
1個讚
chiikawa故事好現實下，主角們要返工賺錢，有時份工仲要搵命摶嗰種
建議想睇下嘅，可以先搵睡衣派對睇
另外，買佢地公仔要做功課，炒價已去到唔正常位，4位數一隻都見過，係有人會買嘅，好癲
1個讚
嘩～咁誇張。
我係咪應該是是旦旦cheap cheap地都買番隻跟下風?
我就咁睇樣都唔係好明點解咁受歡迎，周街都係佢地，好彩佢地個樣都討好唔算討厭。
早排睇ig講點解啲男仔會鍾意，見到啲人話套嘢有晒男仔動漫嘅元素，睇完佢地講解後攪到我唔敢睇（雖然我係女）…因為我覺得睇咗我都有機會會入坑呀
1個讚
我係女，初初好似你咁唔明點解佢地受歡迎，咁就去睇下啦，反正每集勁短
一睇就入咗坑啦
身邊確係男仕鍾意佢地多D，亦係男仕推我嘅
1個讚
唔知你哋有冇人睇到呢段片
好慘
1個讚
網上仲有條片係小可愛公仔俾隻大鳥捉走左