生一個又擔心將來會冇照應，兩個就有啲吃力，大家點揀？
如果諗照應就唔好生
將養小朋友嘅錢儲起，投資
有錢到時收契仔契女
6個讚
生一個睇下自己攪唔攪得掂先算
5個讚
如果兩個覺得吃力嘅，唔好生
我見兩個又開心的家庭，一係就有錢（月入200k起），一係就無慾無求（讀津校，唔會成日去旅行）
想要乜野生活自己揀
10個讚
唔好生
如果要，生2個。1個太中心，自我中心而且比一堆大人包圍追捧，生2個比較balance.
生兩個都唔擔保將來會互相照應…我見過好多case，兄弟姊妹關係麻麻，有等於無。一係就有個唔生性，要其他兄弟姊妹照顧
利申，我生咗一個，如果當年知道香港會變成咁，我唔會生。
9個讚
生2個最好（相差唔超過2歲）
1個讚
非常同意。互相照應只係d老豆老母一相情願
11個讚
之前生，想2個
而家想，如果係呢到就0個
好有錢先會諗生，普通中產都唔會諗，個世界太癡線，有得揀都唔想出世，攞黎搞。
4個讚
其實唔生性嘅、留幾多比個細路都有可以臨老唔過得世
好似梅媽梅哥咁
已經唔係以前老豆老母嘅年代
1個讚
成日話生兩個有照應真係好老土既言論，宜家唔係以前個年代。
宜家後生係個人主義。同科技/trend已經令人與人既關係已經同以前唔同。
真係想生既，可以生一個先，再問下大既究竟想唔想要兄弟姊妹。
利申好細已經知自己唔想要兄弟姊妹。
1個讚
呢個真, 其實生一個兩個都唔係問題, 只要計好數就得
見過有d 人, 一方面把口就話想小朋友開心少功課讀happy school
轉頭見到身邊朋友d 仔女幫小朋友外補/ 報興趣班, 之後又驚執輸, 幫自己小朋友報呢樣果樣, 一星期都三四個興趣班, 之後又呻養小朋友好貴, 小朋友好多野學搞到自己都好忙之類
最緊要認清自己想小朋友過乜野生活, 唔好太在意同人地比較
1個讚
係香港生1個夠。或者唔生都好
香港讀書好辛苦，好慘
係呀！
最近又比人問起點解唔生第二個(個仔都10歲了，唔駛掙扎肯定唔會再生）
其實阿姨只係想勸我好好珍惜阿仔仲痴我嘅時間，去到青春期就唔會睬我，尤其我得一個小朋友，會好失落…
你話我唔擔心就假嘅
同埋都會擔心我哋老咗阿仔要獨力承擔我哋照顧上嘅需要
係會辛苦啲…
但我都覺得自己無揀錯
如果生兩個可能一早已經家嘈屋閉，阿仔從來都唔會痴我
而我同老公宜家就多做運動
希望將來唔會成為阿仔嘅負擔
其實生幾多個應該係媽媽嘅選擇！唔需要同人比較，切勿妄自菲薄！
2個讚
人多唔一定好，我跟我細佬都無兩句。
養得起，教得好先好生，養兒防老唔係一定 work, 佢大咗就算有錢都未必會日日在你身邊。
生小朋友，百分百要為愛而生，唔好諗未來有咩回報。
如果為早日退休，更加唔好生。
2個讚
有錢都唔一定要生，如果只係有錢，有份好工，現在呢代係專業人士，下一代可以係讀唔成書，你保唔住你本身嘅社會地位俾下一代。
我諗係自己本身有家族生意，生意大到一個正常人都會有興趣接手，咁先好生，當然生咗一堆不肖子孫就另計。我都好想係 X 哥個仔，但如果係茶餐廳老闆個仔，咁我就未必有興趣頂老豆嘅生意來做。
我同我先生生左個囡之後
好堅定唔會想要第二個
生1個同2個係兩個世界黎
係我地計劃 完全無唸之後佢要點照顧我地
結婚後已經著手為退休做準備
我同我細佬關係唔好 無照應呢回事
唔好唸甘多 如果因為長老催 由得佢地催
我6299成日話唔係淨係生一個呀嗎
點都生兩個 仔又好 女又好
鬼唔知佢想要孫仔 成日覺得自己生三個
有兩個仔好自豪 又話自己家族基因好好…
唸起都覺得…你地兩公婆有共識最緊要！
2個讚
不如買重啲保險好過啦