去到某個年紀，自然會面對朋友/家人/寵物嘅死亡，面對多咗係咪又真係會睇化？
比以前睇得開，始終人到中年
對家人就未必好睇得開對佢地死亡，就算因年老而走，都需要時間同適應。
朋友寵物就會盡量向好個方面諗。
其實都係“唯有”睇得開啲，無奈都要接受…
初頭都會覺得寵物走係比較易接受，但到咗嗰個moment原來一樣咁唔捨得。
呢啲係人生必經階段，我覺得有時死得去慘過死唔去，見到長期病患就知
3個讚
絕對絕對同意… 好死係一種幾生修來嘅福氣…
2個讚
睇住病人係醫院冇得醫捱住等死，係好想佢快啲走脫離痛苦
有啲唔喺醫院，長期喺屋企要人照顧，照顧者先最慘
1個讚
如果屋企要獨力照顧，照顧者身心疲累、諗嘢唔夠正面好容易患情緒病
對自己嘅生死最睇得開
1個讚
其實我睇唔開生死的。好難接受身邊嘅人離世。
我爸爸生前就係喺屋企要人照顧。但真係好彩家姐哥哥同我都會一齊幫手。
我哋有請工人，但主要係幫爸爸沖涼。我哋行開行埋有人睇住爸爸。
佢生前嘅餵食、換片嗰D我哋會盡量自己仔女做番晒，煮嘅都係我哋負責埋。
不過相比起好多屋企，真係得一個人照顧病患者我哋舒服好多。佢哋身心靈真係會好辛苦
5個讚
人過中年，仔女獨立生活，如果自己健康差行動不便，錢又唔多，真係唔好太長命。
最近寵物重病，傷心到一個點。
完全食唔到嘢，唔食又胃痛，夾硬食都係胃痛，個人好似靈魂抽離咁嘅狀態，而家停工休息，陪住佢走埋最後呢一段時間。
無得睇化, 只能習慣
grief is the price you pay for love, 下面呢張圖我一直Keep係手機
1個讚
完全明白，因為我都體驗過呢種情況，見住佢哋病真係好心痛，自己好似幫唔到啲咩，冇晒動力同悲傷。
但你寵物仲需要你嘅照顧㗎，你都好好照顧自己呀，加油！
1個讚
因為寵物唔識用語言表達只能靠表情身體動作，佢地感受都係我地去猜估。
其實我至親唔識講嘢又聽唔到嘢都係同寵物無咩分別，佢嘅辛苦痛苦我唔會知。到佢走個一刻都唔會知佢對我有咩感情憎，恨，怨，感謝？佢走咗只係留下一堆堆俾我嘅遺憾同思念。
但向好個邊諗，人生如果活得不像人又能夠自然地早啲離開係最好一件事。咁就能夠睇死亡睇得開。
1個讚
呢10年去大酒店同俾帛金多左，
自然地睇淡左
連自己都諗定自己死後點搞
覺得自己算係睇得開，有宗教信仰撐住，早幾年阿爸走嘅時候都冇好難接受，傷心係會有，但更加多係想辦好爸爸身後事，其次有siblings互相扶持，慶幸我哋係關係好嘅
但我家姐情緒比較差，爸爸走咗之後傷心左好耐，到而家都有啲鬱結位解唔開，但整體叫冇影響日常生活
我哋呢一代點都有2-3個兄弟姐妹, 但我哋下一代, 好多家庭都得1個, 有咩事要照顧就真係難… 問心, 我仔女都大, 慶幸依家身心都健康, 若然有一日變壞又無得醫時, 真係會諗點樣可以快D走… 真係唔想唔生唔死, 自己辛苦時, 又變成他人嘅負累…
1個讚