原來仲平過搭的士
唔使受氣，又準時，仲平啲，開心死，原來蠢咗咁耐。
10個讚
仲有乾淨好多，無煙味，大部分司機都好好，見到有小朋友都好耐心
9個讚
以前多數係 call uber的士，
最近試過call普通私家車uber，
有二次 司機帶鄉音，懷疑係黑工。
會平過坐的士？我又未試過，多數都比起的士貴十幾廿蚊，有時繁忙時間再貴多啲 
1個讚
係㗎，試過繁忙時間真係貴D
但試過唔即刻call車，再等吓，隔一陣突然間彈優惠俾我
我自己都搭過幾次，試過有1次拎住勁大盒嘢，真係好重，落車時司機主動幫我搬。我同佢講咗唔使了(我都擔心佢會整親)，但司機好好話好近幫我搬埋過去對面
我都有直接俾20元Tips…多謝佢。
聽過朋友講，話如果Apps俾嘅話，都唔知司機收唔收得足D Tips…所以俾親我俾現金。
2個讚
因為我每次都過海，肯定係平啲，不過我就唔係繁忙時間搭。
係呀，現金tips最好
送個廣告比樓主：
2個讚
Uber 水準實在太參次
好既例子：我送家中長老搭Uber獨自回家，司機送達後call我，通知我已經到達而且睇住長老入大廈鐵閘 
差既例子：上車，7人車未關門就開車；落車，只係一隻腳落左地就開車
搞笑例子：司機話佢買咗啲花生好好食，要攞比我試，跟住𢱕低頭搵，當時佢係揸緊車
4個讚
我都有嘢分享，
同朋友飲，有小小醉，call uber等咗好耐，打開手機睇車係邊，見到佢係山上面，
我懷疑佢行錯咗，上咗半山再返落嚟山腳接我哋。
2個讚
係呀，uber司機話個map廢廢地
1個讚
係幾癈, 我都有好幾次上車係我帶路…
1個讚
係，試過兩次都locate 錯我位置。
但Uber司機普遍都好有禮貌，如果唔揸車我通常都會call.
2個讚
都係嘅，有啲好好禮貌，有啲就的士司機咁嘅態度囉。
不過搭咗10幾次，暫時俾我最好感覺係每次都有車同埋準時，固定價格唔會有兜路或者揀隧道嘅問題發生。
以前係貴過的士，但自從的士加價之後，已經係平過的士少少，但主要係中長途車平啲，短途就的士平啲，繁忙時間車少Uber都會貴少少
但就算以前貴啲我都係揀搭Uber，我係寧願比多少少錢買服務嘅人，搭咁耐Uber 未試過有不愉快事件發生
2個讚
我最常遇到既Uber 問題係個司機接左單之後，就作個藉口唔肯嚟迫你cut單，除咗咁都冇乜大問題。的士我就情願都係經apps call，我好少再係街到截的，廢事去既地方唔岩心水激親DC狗
3個讚
肯定係貴過一般的士少少,有平都係APP內一些優惠減免做成,但都有唔滿意地方,上車地點好像受限,且發現收費標準好像常常不同,選好地址及車種顯示價格後,關了重選一樣設定是另一個價格,之後再試重選又係另一個價格.
有 $50 discount, 如果行李唔多，三人行去機場，搭得過，同埋佢哋都係揸自己車，多數幫手攞行李，怕客唔小心整花佢架車， 更唔會亂咁揸車，DC9 真係多數要客自己放行李入車尾箱。
DC9 太串，又話唔識路，唔想勞氣，一早就無喺街截DC 好耐。