各位你地好，小妹今年廿頭，最近身體好多病痛，但屋企冇人識處理，我好迷茫，想請教各位，謝謝 
最近發現自己對眼好似好多問題
有時打完哈次就會見到有一堆黑白色嘅點漂下漂下，有時唔打都會有，喺太陽底會明顯啲，間唔時睇嘢有光影，特別係望白色牆，呢個症狀係最近一兩年都有，但呢幾個月好似頻密咗
對眼畏光，試過喺太陽下見頭暈對眼好唔舒服
本身二百幾度近視，有散光
感謝解答，謝謝謝謝！
近一兩年都有症狀仲等？
眼睛得一對，睇醫生幾百
就算幾千幾萬都要睇
完
6個讚
點解你仲要上網問人，應該立即去睇眼科醫生。
4個讚
症狀係近呢1、2年？都唔去睇醫生？
我記得有次番工，望電腦時視線比平時模糊咗，我都驚到即刻請半日假睇眼科啦⋯⋯你竟然由得佢成年幾兩年，而家啲後生真係⋯⋯
飛蚊？
4個讚
懷疑係，但上網見到好似好普遍同埋冇得E 
似係
唔係被強光直射完都見到黑點，已經唔正常，仲要持續咗咁耐，真係要盡快搵個眼科檢查。同埋有D病，例如高血壓糖尿病都可能有哩D病徵！睇咗冇事咪放心，萬一真係有病，就算未必有得醫，起碼推遲惡化時間。如果屋企人唔理，你又冇錢，咁不如快D去政府睇街症先，同醫生講已經幾年，而家惡化咗，睇吓有冇得快D睇眼科或者安排其他檢查，雖然唔知等幾耐但都排咗先。
你都知強光傷眼，有D嘢自己都做到就做，手機iPad 同埋所有電視電腦試吓set反白、調暗D，但其實可以就唔好睇，勸你暫停打機煲劇！我都明現代人避免唔到上網，唯有自己留意，set 個timer，迫自每隔十零廿分鐘，對眼一定要離開個mon，望吓遠嘢休息吓，可以就睇多D綠色遠景。同埋用親電子產品一定要開燈睇，臨瞓前熄咗燈先嚟碌手機，係最傷眼
我估你上得嚟問，都會去埋YouTube 睇，但最好小心，有D唔知專家教人做眼部運動，我覺得自己轉吓眼球、碌個打橫8字、交替望筆尖及遠景、或者手指輕輕敲眼框骨穴位都還可以。但教你用按壓眼窩就唔好亂試，因為自己唔識，都唔知用幾大力先為之啱，大力咗可能有反效果，有醫生面對面教安全D
2個讚
飛蚊同畏光我都有，定期驗眼就得，未必有事，幾百蚊搞掂
可能係飛蚊症,但都係建議去睇眼科檢查為準. 病向淺中醫,唔好等到好嚴重先求診.
如果真係單純飛蚊,係無得醫,但慣左可以與蚊共存. 只要每年作檢查,確保無惡化.
想經濟些,可以去尼度檢查
2個讚
請問各位，如果去政府GOPC排眼科醫院，得唔得㗎thx
你不如比啲錢睇私家醫生先啦！
先睇下有咩問題，再決定去政府排期
仲等唔夠咩
有啲錢係要使架！
2個讚
揾私家醫院啲眼科專科檢查啦，做個全面檢查都係$2000內，平平哋浸會、法國醫院。
以我認知，政府門診冇得直接睇專科㗎，
如果你真係想平平哋（只需50蚊）做初步檢查（詳細嘅當然要搵返眼科醫生）同攞介紹信的話咪去睇門診先。
當然你攞咗介紹信之後如果覺得政府個期太耐，你咪拎住封介紹信直接去睇私家眼科醫生囉。
（最後如果各方面容許嘅話，就直接睇私家眼科都可以。）
普通眼科$800左右就可以
仲唔睇
試過以為係飛蚊 一睇醫生原來視網膜就快甩 都即刻做手術
如果明顯見多咗飛蚊及閃光就係先兆，注意係‘’明顯多咗‘’，但樓主點都驗下眼先