小朋友返幼稚園，3歲半，本來好中意返學，新學年轉左新老師，就開始日日喊，日日話唔返學，隔左段時間，小朋友話畀老師鬧。本來都以為小事，點知同班同學家長同我講，話佢個女同佢講，我個小朋友畀老師好大聲咁鬧，鬧到好慘。近呢兩日，我小朋友仲話畀老師打腳，老師話佢曳爭位坐，要打腳。我問左佢幾十次，佢都話畀老師打，每次扮老師打既動作都係一樣。
但而家法例之下，正常老師唔會打學生，我應唔應該信個小朋友？
你唔信你個小朋友仲有邊個會相信佢？
9個讚
相信！除非屋企缺乏父母愛好想有人注意，否則小朋友無緣無故話自己被人打
不過要再問多少少：
- 老師對其他同學仔都咁樣？（有其他家長都遭受同一個問題的話，佢地都一定肯同你一齊指證）
- 老師打腳仔嗰陣，其他同學有冇見到？佢地有冇過黎攬住你？（人證）
如果有新傷痕，即刻帶去睇醫生驗傷，咁個老師就肯定走唔甩！
得3歲人仔咋，梗係信佢啦！
我小朋友幾歲時學游水，本來一直學得好開心，突然有次上完堂之後話唔想再去
最初以為佢唔知做乜突然扭計，冇理到繼續同佢上堂
跟住過多1、2次佢至講俾個代課嘅教練鬧（我估係代課，因為佢係中間突然出現，有時又去其他組），令佢好驚
我最初認為細路仔俾人話2句好少事啫，明明學得好地地，咁就唔駛佢學，到大啲讀小學時俾老師閙咁點算！？
但點知再過多1、2次，就算我一直坐喺池邊睇住，但佢直情到離遠見到個教練就震哂咁走開，咁我終於明白真係唔對路
我冇怪教練，其實講真教練可以惡得去邊丫，啲家長坐喺池邊望實哂，但有啲位trigger到個小朋友就真係冇辦法
後來過咗接近1年，我哋轉去另一個泳池同保證嗰個教練唔會出現，佢至肯學返游水，跟住就變返同開始時一樣開開心心咁游水啦
所以你小朋友3歲人仔一定好驚至向你求救，一定要同學校反映，保護小朋友
4個讚
我地有向學校反映，但校長唔相信，咁我可以點做？
1個讚
到教署投訴有冇用
本身識唔識同班小朋友家長可以問埋佢哋？
意思其他小朋友有無反映有老師罵或者打？
講真，唔好講打，3歲嘅小朋友返幼稚園俾老師罵到驚咗都唔簡單
我認知嘅幼稚園老師，如果小朋友有咩事，最多慢慢氹慢慢教的
特別佢哋仲咁細，係要時間遊應
幼稚園課室有Cam嗎？
講真，如果小朋友咁講，我唔會懷疑
但會再了解清楚細節
1個讚
校長唔係唔信,係唔想認!
我女幼稚園時俾個男同學蝦,個副校都話唔信架,我話你唔信我就同註校社工+教育部講,再唔信我就問埋其他家長
3個讚
我會要求直接同果位"老師"傾下
我有同個老師傾過，個老師堅持自己冇留學生，校長都相信佢
但係同學話佢真係有鬧我個小朋友，仲要鬧得好慘
佢地死口唔認JE
1個讚
死口唔認都冇辦法，因為小朋友又冇傷痕
口同鼻講
我相信小朋友，而且仲有第二個小朋友做證！
嘈佢就一定，但我係你都首先考慮小朋友心理
轉校！
話說我細既時候都比老師打左一巴
我媽嘈到校長出黎道歉(係門口大鬧)
最後我係轉左校
另外我覺得你唔怕既都可以係門口大鬧
(超碼多啲家長知道！學校會驚啲)
但你預佢一定唔認架喇，轉校係為小朋友著想
4個讚
佢哋死口唔認啫
家陣幼稚園經營困難，可能學校想大事化小，唔想揚出去搞到學校執笠，所以校長一味死撐
做得校長嘅，一定知道問題出喺邊，只係想點處理啫
講真，佢哋死口唔認，又將個波推返去小朋友度，校長處理嘅方法有好大問題，呢間學校真係唔建議再讀落去
個人建議你應該搵定另一間幼稚園，同時詳細記錄低小朋友嘅情況，同班小朋友轉述嘅情況，同學校交涉嘅詳情，然後去教育局投訴，希望唔好再有其他小朋友受害
可能期間學校或者其他家長，仲有三姑六婆會有說話俾你聽，攻擊你因為小朋友曳所以俾老師罰，又或者話你點做人阿媽教唔掂小朋友抵俾老師教訓，甚至話小朋友係咪有特殊需要所以老師要特別對付佢之類
但記住，以上種種原因都唔係老師咁樣對待學生嘅理由，童年陰影可以係一世的
4個讚
我會相信小朋友，小朋友3歲係唔會講大話。我同意樓上報教育局，同安排轉校，而家好多學校收生不足，你一定會搵到間好
3個讚
會同學校了解，但我會企係自己小朋友會相信佢，同埋有需要時轉校。
1個讚
去教育局投訴真係有用？佢地會唔會官官相衛？
請問可唔可以講係邊間幼稚園？
同意，第一時間轉校，而家週圍幼稚園都有位，你退學，佢仲驚過你啦！
記得同身邊想考呢間幼稚園嘅家長講，等佢執笠啦！
6個讚
梗係唔會啦,區區一個幼稚園校長算咩官呀 
幼稚園好流架JA
1個讚
轉校前，見多校長、老師一次，問佢哋認唔認？唔認就向教育局舉報，再唔係報警話佢虐兒，睇佢哋咩反應？
你呢度問有冇用都無用，做咗保護自己小朋友先啦！
1個讚