尋晚小朋友話想買iphone, 因為佢啱啱轉校, 學校要我地買ipad 同支ipad pen, 買新校服都用左好多錢, 咁我話比部二手Sony 手機佢, 小朋友唔接受, 佢問可唔可以今年出部Iphone比佢, 我話好貴呢, 跟住佢就好唔開心 
咁去左瞓覺
之後我即刻同朋友傾, 佢話我唔明白d小朋友. 朋友話小朋友只會覺得, 點解媽媽自己洗錢就得, 但就唔肯出部Iphone比佢, 朋友話我思想老土.
諗返, 小朋友部三星都用左5年, 個mon爆左半年都冇話要買新手機, 直到尋日. 其實小朋友升左中學之後, 都見佢憑自己努力轉校, 由細到大都極少好似今次咁, 出聲要求買d 咩比佢
我諗住出部iphone比佢啦, 但係係咪一定要係Apple Store買嘅呢? 我應該點樣同小朋友講, 要好好珍惜, 唔好覺得換手機係必然嘅呢?
主要係我驚佢係學校同同學比較, 以為我好有錢(我係單親) 不過我朋友都話唔到我理…
謝謝
小朋友唔明白家長開學的難處，啲錢倒水咁出去，開學好大開支。
我小朋友用二手I phone ，電量去得快就帶尿袋，你小朋友咁努力轉校，值得獎勵，可以唔買最新型號同最大容量就相對平啲。
Apple 買有保障，衛訊，3嗰啲地方買都有，有時比Apple 平少少。
青春期不宜即時反對佢要求，可以話遲啲買，等媽媽格下價先。
佢見你有閑錢一年旅行幾次, 有期望好正常
這時期小朋友都係有佢思想，同成年人一樣，憑感覺，佢覺A好，佢自己覺得全世界最好就係A，俾其他佢都係爭啲啲，最好都係A。
仲有 iPad 可以對應 iPhone 。
這個功能我都幾鍾意，
係iPhone影相，唔需要過機＇可以喺iPhone睇到，
來電也可以在iPad接聽。
買二手, 俾個筆直小朋友… 睇樓主所講, 小朋友應該係生性講道理, 試吓係你能力範圍同小朋友接受範圍取得共識…
因你已經有想買比佢既諗法,我覺得可以係同小朋友既互動中花多少少心思,去達到佢理解[要好好珍惜， 唔好覺得換手機係必然嘅]
可以叫小朋友LIST比你買呢部手機既核心要求係咩,有咩功能係佢需要既。
你聽完再同佢講最近開學洗多左Ｄ錢，媽媽答應你過多幾個月買比你。(一定要有個COMFIRM時間)
甘中間呢段時間可以再叫小朋友上網或睇下朋友用新IPHONE有冇咩優缺點，分享比你聽。
同小朋友有多個話題之餘，小朋友都可以從中學到去比價／理解佢部未來手機，自然會更珍惜的！
啱啱同同事傾開, 佢叫我問吓小朋友點解想出IPhone, 同事懷疑小朋友想用IPhone連埋學校部IPad學習多.
你同佢傾下佢點解一定要iphone先啦
有合理原因咪再考慮買唔買
我覺得宜家人人都有iphone咁濟，唔係年年話要換都唔算大問題。同已經中學都差唔多啦，你仲話佢之前用到爆mon都繼續用都算好合理。
不過我覺得應該都有小小朋輩影響，宜家上中學好多都用iphone。
之前threads咪有post講返學著dr martin，要千幾蚊？屋企經濟好啲既覺得唔貴，但如果無錢既真係會有比較hard feeling
你本身有無打算今年去旅行或其他小朋友既消費計劃? 如有,同佢商量買電話及預算計劃兩者只能選其一, 請佢自己考慮選擇. 同時應該唔好買最新型號, 解釋俾佢知出新型號,次一級便會較便宜.
要去嘅旅行都去左啦, 都係去探佢嫲嫲
我小朋友雖然讀小學，但都有出電話（因為自己放學）
佢最近都受朋輩影響想換新機同埋買Casetify case，初初傾時佢態度都好差…
因為我哋一早講咗升中學會買iphone俾佢，我話今年出咩phone其實都唔關你事。但我係講到做到的，唔係hea佢。
咁我叫佢自己睇下reviews部新iphone係咪真係咁好，結果佢睇完話都係買上一代～哈哈～
至於Casetify case佢話係想同朋友襯埋一套，我就show俾佢睇Casetify爆機不爆殼嗰啲相，俾佢知Casetify係幾唔掂，根本保護唔到部機。同時又俾佢睇其他牌子都有靚嘅case。佢最後都話要買Casetify，咁我話一人一半錢，另外爛咗機係唔會買新。
我有信心佢自己深思熟慮後揀嘅手機同case佢會去珍惜。
買部舊 model得唔得？
我細路半年整爛一部電話，好彩個年一年爛一部。
今年已經整爆mon我都唔理佢，佢都唔敢要求買過部，更加唔敢要求貴電話
我只會出部 $1000左右電話比佢，想比部㩒制個啲佢用。順便等佢冇得玩手機
返香港買定幾部 $1000手機先搞得掂
出部14得唔得？要話俾佢知買左ipad而家冇錢，要儲下錢先可以買電話，唔係所有野自動出現，係要付出代價，想買同要買係2回事，如果只係要電話的話唔一定要iPhone
有閒錢當然唔係問題，
但係我建議你都可以趁呢個機會可以同佢傾下「想要」同「需要」嘅分別。
對佢日後獨立成長有幫助㗎
係，我覺得唔可以ban咗佢，但可以表明因為佢舊電話mon爆／新學期要連ipen/ipad，所以媽媽都會想換部新機俾佢。
表明你有經濟難處，例如依刻你budget大概有幾多，可以買到咩model，如果要最新，可能要儲多幾耐錢才能買最新model，或者佢會唔會一齊夾少少錢呢？
同埋話佢知用咗依舊錢之後，媽媽未必短期內再有錢買一部新嘅，佢拎新機可能容易俾人偷，跌壞要維修又貴，要求佢要小心保管／或者買舊model。
每人讓一步：唔好唔買，但佢都要知道唔一定要買佢最想要最貴嗰部，咁搵個平衡好啲
另外買其他嘢可以叫佢儲錢，例如佢儲到個物品價值1/4或者1/2你就資助佢其餘嘅，咁佢有份儲都係良好習慣
iphone 通常要等幾耐先會跌價??
只要出新model, 舊model都會跌價, 除非追最新, 否則我覺得值得買, 因為可以粗用好多年
學習以外非必需品 + luxury 嘢我一般咁做，我比 1/2 或者2/3
生活必須品 / 學習用品就算貴我都會出錢主動叫佢買
見佢儲得多錢同有意外收入就叫佢見我飲 coffee 