請問叮噹同大雄係點樣認識? 有無人知道漫畫係咪第一本就有介紹?
80後媽媽, 最近我小朋友對叮噹提出興趣, 想知道叮噹同大雄嘅故事, 我想搵下然後同佢一齊開始睇
唔該
我記得係叮噹突然出現,話係未來大雄派佢嚟嘅
大雄唔信,叮噹就同佢坐時光機去未來
依稀記得有兩個結局
一個就係佢同靜儀結婚
另一個就同技蘭結婚,成日俾老婆蝦,生活好坎坷
大雄就求叮噹幫佢改變命運
應該漫畫/動畫第一集有講
4個讚
叮噹係大雄書房個櫃桶突然彈出來
原本同技蘭結婚，後來得到叮噹幫助，改變左命運，同靜兒結婚，生左小雄
3個讚
好開心呢度大家都係講d 舊名
“叮噹”、“靜儀”、“技蘭” 
9個讚
叮噹帶大雄去未來睇佢同技蘭結婚後嘅悲慘人生同見小雄
小雄解釋比大雄知即使命運改變，同左靜兒一齊，小雄仍可順利出生。大雄就開始了同叮噹一齊生活
1個讚
3個讚
咁我搵下第一本先
我主要係想搵到本書 (漫畫) 同佢一齊睇… 我地有每晚一齊睇書習慣, 咁樣可以多個理由親子時間
1個讚
第一本有講
1個讚
我都揾返本書出黎同細路一齊睇下先，可以認字
以前嘅漫畫書用書面語，對中文都有幫助
1個讚
我細個嘅時候好中意, 但好多年無睇… 希望小朋友都中意, 咁我地會多一個話題
我去邊都帶住啲漫畫書，成廿幾年，甩皮甩骨都唔捨得掉
以前啲書有樣好，書面語
而家書局買到例如劉馬仔，鬥嘴一班都係口語。對學中文真係冇乜幫助
講中我心聲。
我小朋友都睇呢啲口語漫畫。
有少少離題，我試過叫我小朋友將呢啲口語內容轉番書面語寫出嚟。
你唔講都唔覺，現在真係好多變晒口語，有時真係要諗果個字點讀，都係看慣書面語，之後係腦海中轉換比較慣
口語，公仔又畫得唔靚，但colorful +公仔得意，好吸引細路睇。但細路睇慣口語就好易唔睇書面語
以前真係拎本漫畫入 c 坑睇都學到下中文
1個讚
原來果時已經有穿越同改變命運 (韓劇情節)
日本以前漫畫好多情節勁超前
1個讚