頭先有個唔識既6字頭手提number 打俾我, 我第一次無聽到, 之後佢即刻搵第二個都係6字頭既電話再打俾我。見到佢搵得我咁急以為咩事就聽啦。
一聽電話, 首先係"咇"一聲, 然後有條友講廣東話問我係咪X小姐(X= 我個姓氏)。
我話係, 跟住佢話通知我, 早前申請左個CSL 乜乜通訊卡果度已經批左, 銀行會響我銀聯戶口扣數。我話我無申請過咁既野喎, 我幾時有申請。佢答我8月31日號申請, 再次話銀行會扣我數。
之後我直接收線。
我都覺得好奇怪, 明明我手機plan 都唔係CSL, 但因為佢講得出我姓氏, 所以我先聽佢講乜野。
我估如果我無收線, 佢下一步可能就叫我俾個人資料佢幫我取消番, 咁樣呃我個人資料。
每日都咁多這類型電話，
又唔可以唔聽驚真係有急事發生。
咁你有冇銀聯戶口？
我都試過，打電話嚟叫得出我個姓，但因為佢講得唔清楚，我問多次搵邊個，佢就講左一個中文名，呢個名係我嘅一個分身fb acc用嘅名，係假名，所以我知係電騙就收咗線
但其實好奇怪，唔知點解會搵到我電話，我肯定fb係冇電話睇到，亦都唔知點解佢會講我fb名，我有諗過佢可能係用我email search到我個fb，但如果佢有方法攞到我電話+email但又唔知我叫咩名，要去fb search又唔合理，完全唔理解我啲資料係點洩漏出去
我都有試過類似
不過唔係假名係好耐之前讀書用既英文名
果時登記既電話都唔係依家個
又係諗極都唔明佢點樣聯系到個舊fb account with 新電話 ？_？
講得出你姓氏唔算驚
我已經收過好多次講我全名
仲要普通話
好多時話微訊又話我違規又剩
有1次大癲到
又係用手提電話打俾我
係一個講普通話嘅女人
我係咁講廣東話
我話我唔識普通話，唔知講咩
佢不斷死講難講，然後我收佢線
仲封鎖埋佢電話
每當我鎖一個電話，佢就即刻轉用另外一個手提電話號碼打俾我
即係前後用多4個唔同嘅電話號碼咁打俾我
黐線
我試咗好多次，仲講得出身份證全部 numbers，唔知咩機構賣我個人資料，而家全部收佢線。
嘩, 好癲呀!!!
係law, 都唔知邊度搵到d 資料, 但又唔會查到係邊個出賣我個人資料
咪係, 呢下先乞人憎。
電話實名制左仲多左呢d 電話, 痴線!
我都試過佢打咗3次，但冇俾機會佢打第4次
因為我響英國，飛咗自己手機號碼去Skype，嗰次佢連續打3次嚟嗰陣係零晨4、5點，打到第3次時，佢開口第一句竟敢話我收綫都避佢唔到喎
我咪即刻再收佢綫，然後熄埋個手機，再瞓過
範圍太廣，根本無可能知，可能喺大陸酒店
教育唔好做就出人壞方向一面,騙案永遠都層出不窮,衹要自己沒有貪念自然就唔會咁容易比人欺騙.
佢已經打電話打到痴左線
可能員工抄客人資料賣,我上次有係呢度講,我十幾年前識個香港男仔,佢做係街sell電話plan既,佢同我講佢有抄客人資料賣
咁呢個機會大d
都痴L線, 佢講到你爭佢錢定咩事先?
另外
樓上又有人答非所問, 自言自語, 大家唔需要回佢架 
琴日有條友打來話陳小姐，通訊事務管理局有份文件比我。我話而家過來攞，你喺3邊度，佢嚇到收咗線
呢次真係我有史以來最癲一次
嗰陣時仲記得同朋友喺Moko嗰邊食飯
佢哋睇住我講電話都問我咩事
因為幾個月前曾經公司註冊處洩漏咗啲資料出去
我係懷疑嗰陣時嘅資料外洩咗
但係發現根本身邊好多朋友都經歷呢啲嘢，所以都未必關事
我有次收電話果個大陸女人係咁話識我,佢又講得出我住邊區但又唔知我叫咩名,我話咁係xx等啦,我而家過黎,最後我無去到佢都無再打黎 
前幾日我仲離奇，3 續約電話 1038 打畀我，乜字頭都唔係，但我唔係 3。
一定有，甚至係普通上網訂嘢都有機會。依家基本上好多網上填嘢都要填埋電話號碼 “確認身份”。
例如我訂餐廳，餐廳寫低我姓同埋電話號碼入 system 同埋寫低簿。間餐廳執咗，嗰 system 畀人 hack 或者直接賣畀人，或者本顧客訂位簿畀人執咗，咁就畀人賣咗。
都好難避免，唯有自己提高警覺
係。之後過一段時間會有好多不明來歷電話打嚟。