我係間mnc做會計，最近經理走咗我老闆要我接手她的工作但只係加左$1500，現在人工$23000 有雙糧 門診 ，老闆經常唔係公司我一個人做嘢好free,唔使ot,但係好悶冇人講嘢。
我的工作係做幾處工廠的賬目整合對賬及付款，另外有system做數只要確保入數冇問題，要對auditor及幫老闆做私人野訂機票嗰啲。
自從接受經理工作覺得有啲吃力，唔忙 但用好多腦白髮多左所以唔想接手，經理搵5萬幾
不過我冇學歷 只得中學 今年40 做會計有十幾年，唔知呢個人工是不是合理正常？ 多謝大家
你出去見下工有冇offer就知合唔合理
4個讚
但你喺公司嘅職位叫乜嘢？
我啱啱幫你上網睇會計文員一般都係18,000至25,000？
又或者你本身有冇其他會計嘅牌照？
2個讚
同問
會計文員同會計師唔同。我都覺得樓主似係會計文員。
(LCCI level 2 果d 應該好common? 我見有d ad 請account clerk 都會要求LCCI, 都係月薪二萬頭左右既工 )
本身個經理搵5萬幾,
你老細加你1500蚊就要你做佢個位,
梗係唔合理啦…
2個讚
我職位是會計文員，要做full set 要交accounting report比hq. 冇會計師牌
明白, 咁將你既問題分番開兩個問題先
問題1, 以你既年資及學歷, account clerk 黎講人工是否合理
問題2, 以你宜家情況, 做左account clerk 既工作同時要負責經理既工作, 但只加1500蚊是否合理
似乎 1 都OK, 但問題係2, 當然唔合理, 而你都覺得吃力。
但係想問, 你仲會唔會想出去搵工? 我同意樓上網友講, 不如試下出去見下工先? 可能見多幾份你又更加知自己想搵咩工/ 比較想留番宜家公司?
1個讚
謝謝回覆，其實我不太想轉工，因為呢份工好自由可隨時請假（只要準時交到功課）。
但又覺得加咁少錢做咁多野唔值得，不過唔知出面價錢所以上黎問下。
我覺得呢個係main point, 試下同公司再傾啦，
但我擔心公司知唔知樓主唔想辭職，所以企硬
其實見到尼句+ 40歲 +冇學歴已經知你冇事業心
你唔係想加人工, 而係想舒舒服服hea住做
我只能夠講幸運嘅人唔多, 想改變就要付出
2個讚
如果只係收2xk人工我係想hea住做
現在似是不合理待遇，我會話應付唔到叫老闆請過經理位
2個讚
你現職做左繼耐？維持23k hea做你o唔ok?
如果ok, 支持你同老細講應付唔到新task, 請新經理
但新經理到，你未必可以以前咁hea, 因為佢assume 你係舊人會知同識唔小公司運作，會繼續要你做
到時你都要搵工。
2個讚
manager 5萬幾蚊，大家qualifications 可能唔同？
如果 qualifications 唔同，即使做埋同一樣嘢，都冇得計較
據聞而家好多 auditors 冇野做，請人應該唔難。
不過等陣遇著個進取嘅未必夾到
如果唔忙嘅我會自己做埋算，或者叫老闆萬零蚊請個 clerk 幫下自己手
2個讚
我做左五年
我學歷低 心知人工不會高得去邊。如果真係請人會pass返啲工作比經理做，河水不犯井水
請個part time都係好方法
明白。支持你同老細講
過返冇壓力工作生活，加油
你話你無學歷？但點解可以做到經理既工作？
有能力就可以做呀！不過無學歴就只能收23k 
你老細搵你笨, 好多老細/上司都係咁
同老細傾, 做就再加人工, 唔做就請新經理 
1個讚