請問呢三間外賣平台係咪一打風就唔送餐?
落雨送唔送餐?
上網睇就話8號風球先至唔送餐
我畀人話我冇common sense因為我平時唔叫外賣我點知
叫開外賣嗰啲就好熟啫
將心比己，打風盡量唔好叫外賣啦
3個讚
我都唔叫外賣
打風落雨，我唔會叫外賣。
你要明白啲外送員其實就好似 uber 或者貨 Van 咁，佢地自己有權決定接唔接單送外賣。
你而家咁講我就明，咁即係叫外賣冇人接單，叫唔到外賣咁？
個平台係8號風球先暫停服務，但接唔接單係外賣員自己決定
其實平時落大雨就已經好多外賣員唔接單，太大雨揸電單車都唔太安全
3個讚
係架，個啲外送員係自顧人士開唔開工由佢地話事。
2個讚
好似話你果個先無common sense喎 (以上呢三個平台)
其他有D食店午飯就可能一打風就唔送 唔係因為太鍚員工 係因為太多單做唔切 
不過依家大部份食店都裝左foodpanda/deliveroo 唔使自己員工送啦
外賣平台係一個 自由選擇返工 時間 嘅地方，
你所屬地區有「外買仔」返工，就會有人送餐，
有登記嘅「餐廳」營業，就有外買，
兩者同時進行，先至有你嘅「送外賣」。
如果餐廳太多單做唔切，都可以撳停部機唔接外賣單。
如果打風、好大雨，我又要叫外賣，我會俾多啲啲tips
1個讚
係㗎
1個讚
正常都冇人開店,叫外賣都冇用,咩人都要保護,以安全為主. 但都有一些食市照常營業,正常都應該一樣有外賣(這點就不及國內).
我有用開袋鼠，八號風球/黑色暴雨佢會寫明因為人身安全問題唔會送餐
1個讚
咁佢哋係咪送一單外賣
收幾多錢嘅呢？
係，自僱人事。
網上有影片話每單大概廿幾蚊。