而家大B 20個月
我36 老公再大啲
兩公婆在職
我自己啱啱有新工offer又有份上緊軌道既副業
老公工作穩定 主要在家工作都鐘意湊仔
夫妻關係一般
因為我都有啲事業狂
有少少「男主內女主外」既感覺
啱啱發現有咗6 weeks
真係意外
同老公本身關係一般
所以基本上一年都冇一兩次性生活
所以有咗真係好surprised
老公傾向想要
我就5050
(唔係曬命咁都有左，希望大家唔好鬧，同埋我哋冇做安全措施都唔啱）
我知自己唔會放棄事業
雖然我老公好想我唔做full time
但我未捨得放棄
高薪糧準福利好又包晒成家嘅醫療
生左我地支出會加大左
需然我叫有兩份工但但始終副業唔係永遠有錢賺
有上有落
我又唔捨得自己經營咗好幾年嘅小生意
而家本身我每日都冇乜時間淨
好攰了
大仔唔痴我因為我冇時間湊佢
生咗第二個
我想像唔到我會有時間照顧
而我老公就希望我抽多啲時間照顧小朋友
做多啲「媽媽」嘅責任
但呢一刻我真係做唔到
覺得好攰，生多一個都唔知點搞
湊小朋友唔知照顧咁簡單
等佢大啲之後仲要教
唔係下下可以交俾人 right …
大家可否比啲意見
你搵得多過老公 佢wfh湊仔 如果生 佢一打二
或者請helper囉
不過見你嘅文字 我feel唔到你有想生嘅感覺
如果係我 我唔會要
終於香港呢大環境咁差 今日唔知聽事
我唔想造多一個出嚟受苦
6個讚
傾清楚分工，比佢知道你唔會放棄事業，咁第時點湊仔，家務如何，最壞情況係點，會因咩事鬧交，再選擇生唔生第二個
2個讚
明白你感到好突然
你都好勁呀又正職又副業
老公肯唔肯support 先?
我衰d 講, 你生一個同生兩個都一樣係做唔足呢一part。
所以我同意樓上網友講, 傾左分工先,既然老公好想要, 如果佢真係願意自己投放額外時間/資源俾呢個小生命, 可以考慮生。
同路人, 我36 時都係有左2胎, 又係意外, 因為第一胎係好難先有,要人工iui 才有, 因為疫情下唔想要2胎, 我都係父母2個都要番工, 最後都決定要, 頂硬上, 唔想殺生…
重點係自己的, 而家想番, 生左真係冇後悔, 因為個細女仲聰明過大, 又孝順, 而家2歲成日都幫我搥骨才去訓… 有時唸如果冇生佢, 真係會後悔一世
我地放佢去全日幼兒園, 佢出世3個月已係係9-6 pm 咁揍, 今年k1 了.
6個讚
樓主你係事業型，有正職又有副業
仲要兩樣都唔想放棄
而你老公想要一個賢妻良母型太太
因為依家唔係講緊想唔想有第二胎
而係你已經有左，係生定唔生的問題
喺你角度睇，生第二胎會影響你的事業計劃
但如果唔要個bb，會唔會直接影響你的婚姻同家庭？
喺事業、家庭同婚姻，你將邊樣放在第一位？
2個讚
我同太太都係差唔多年紀意外有左第二胎，太太當日想發展事業，所以崩潰左好耐，但始終係一個生命係我地既後代血脈，唔想殺左佢，係太太抑鬱多次發作下生左出嚟。我唔識湊B都要頂硬上，由一出生就頂夜更餵夜奶，第2朝7點返工，呀B仲要成日半夜喊。最難頂既日子都過左，而家呀女好sweet，同哥哥相親相愛日夜都黐埋一齊玩。你老公如果肯主力湊，可考慮。
3個讚
生完家嘈屋閉仲影響事業就諗清楚, 你呢個情況唔生好…唔好講咩殺害生命, 企生命高地la, 你哋個個食齋先, 日日幾多豬牛雞羊因你地而死, 去到BB就扮晒愛惜生命
3個讚
以生命比較生命：事實上胎初期如果唔要的確唔算殘忍，比起食牛羊（如果你見過宰牛羊過程）
不喜勿插
同樣情況發生係男人身上, 男人會唔會有呢個concern? 男人會唔會擔心仔女唔痴自己?
我諗起起跑線2嘅charles, 為左陪個仔, 放棄(雖然係wfh)香港事業。
既然老公主內, 問左佢會唔會好似其他ftm咁照顧兩個仔女? 做stay home dad同ftm一樣唔易。
否則的話唔好要, wrong timing來嘅生命, 就係wrong person (sorry, 諗唔到輕D嘅term)
1個讚
生命唔係只係負責生佢出黎,更重要的是養育的責任,沒有足夠的愛心及能力,就不如唔好生啦.
1個讚
m_m_m
13
我係同一諗法
驚老公因為你唔要BB而嬲你
佢已經暗示你要放多啲時間喺家庭
如果你唔要BB佢可能更覺得你唔顧家
我覺得可以諗下有無雙贏方案（育嬰園，工人，爸爸全職湊B），但最緊要都係經濟，好多照顧上嘅問題都可以用錢去解決。
1個讚