小朋友今日開學, 去新學校返學. 我好緊張呀!
我成個中學階段都比同學排擠, 好擔心小朋友一個人, 同大家又唔熟, 會好似我咁 
又好驚由中中轉去英 佢唔適應學校教學方法, 成績會轉差
真係好想知小朋友今日day 1係新環境過成點 
1個讚
小朋友幾大呀？
先向好方面諗！
新環境有新發揮！
學業方面簡單，勤力，一開始幫手跟下睇下佢得唔得！
朋友方面，要帶眼識人。睇下邊堆適合做朋友
中學，話大唔大話細唔細
要放風箏，一時收一時放
簡單暗地關心，如果唔係又話你煩
冇計
3個讚
中二
其實我中學都係孤獨精，
冇咩嘅，習慣就好，都冇影響人生呀
3個讚
不用太緊張,我小朋友都係一樣由中中小學到英中中學,仲要係好出名英中,咪又係一樣好平常咁讀,到現在輕輕鬆鬆入到大學.
1個讚
謝謝.
暫時呢兩日小朋友回應都係表示"普通"
真係唯有叫佢主動d去認識呢間學校嘅嘢…
我都係盡量幫咁啦
1個讚
你好叻, 我仍然放唔低呢條剌. 所以好驚小朋友會步我後塵
其實你愈諗佢就愈會發生，對小朋友都有不良影響㗎。
放鬆啲，好小事。
1個讚
我囡成個中學階段都係因為人際關係唔肯返學,但過左中學,又可以同同學相處融洽,畢業後仍是好朋友.
朋友/同學都要講緣份,只要屋企仍是佢得到支持/支援/休養生息的地方,便不用擔心啦.
2個讚
明白的，大家都有經歷過唔同程度既杯葛
我自己都係，雖然係小學、只係言語同孤立行為，但到依家想起都難過
就係咁，我更加同小朋友講：呢個世界有好多人，就算有時你做好自己，唔多事，都總有人找你麻煩。所以唔好比其他人既行為太影響自己！做好自己，搵真心朋友。
3個讚
我明白係自己過去嘅經歷, 令到我對小朋友人際關係好緊張
尋日問返小朋友, 原來已經有幾個同學同佢一齊小息時傾吓偈, 學校有兩科係會全級撈埋一齊, 再分Group上堂, 所以佢都認識隔離班同學. 暫時佢都ok 
咁我都希望之後佢自己會識得處理
3個讚
放鬆D啦媽咪 
2個讚