我同事因為同太太對於生唔生仔意見不一，所以結婚多年都無小朋友。有次同佢傾閒計講到我小朋友快要升小學，佢講咗句：「2張N卡合唔到SR卡。」
作為雙職家庭，我同先生都好努力教育小朋友，而小朋友亦做到我哋心目中嘅要求。同事單憑收入就斷定我無能力同資格教好小朋友（對方家庭入息比我高，我同先生係一般打工仔）。我唔係望子成龍嘅人，只求小朋友長大後可以養活自己，有自己一片天。無端端俾同事咁講，我係覺得被冒犯同盡量避免同佢傾閒計。
你哋點睇「2張N卡合唔到SR卡」呢？收入同識唔識教小朋友又掛唔掛勾呢？
我好少comment人地教仔, 但我相信好多人都想知咩叫「2張N卡合唔到SR卡」
13個讚
遊戲術語
N=普通卡/角色
SR=最高級卡/角色
代表話我普通打工仔唔會教出有成就嘅人，所以唔應該生仔
唔知由幾時開始，生唔生仔嘅標準提到咁高，一定要人中之龍先可以生，一般家庭就係無資格
2個讚
教細路，我覺得父母學識，知識同耐性比較重要
經濟唔好太差，始終好多嘢都要用到錢
2個讚
用打機代落人生?
父母係N卡想搏閃中一卡SR卡?
SR卡都唔夠SSR。 
正確唔生
1個讚
只可以講你同事係白痴，有能力有學識都唔一定教得好小朋友啦
6個讚
呢個世界夠大把人讀書讀到好高級, 博士呀碩士咁, 但唔代表個個博士碩士都識教書、識搵好多錢、識教仔呀?
咪係, 呢個世界大把高分低能啦, 樓主同事可能就係其中一個
就係攞綜援／低收入阿伯，
返大陸娶老婆，生幾件出嚟，
啲細佬漸漸長大，埋怨點解生我出嚟 受苦。
（舊思想係養兒防老）
想知你同事既所謂何為有成就既人?
1個讚
卡係用黎抽,唔係合成~同生BB一樣~
條件好我只可以當佢買左貴包,但都一樣有機會出N
1個讚
我覺得佢其實好想要小朋友，不過另一半唔想，所以佢對我好有敵意，因為我搵錢唔及佢，但擁有佢想要嘅嘢。
我已經疏遠佢，非公事都費事交流
1個讚
呢D女人最痴線,你又無搶佢個B,佢自己唔生關人咩事 
佢同我個親戚一模一樣
2個讚
睇番樓主第一句, 樓主同事應該係男?
男人係咁仲乞人憎, 心胸狹窄似八婆
係呀 係一位男士
佢太太係做教育相關工作，所以佢以為只要佢有，就會教得好好。我有同佢講其實生仔唔係咁簡單，中間會有好多變數，生出嚟健康正常都唔係必然，不過對方聽唔入耳
我自己咁諗… 有D野…真係當無聽過都唔會係損失…
佢唔係你… 佢唔知你用左幾多心血教個小朋友…
而且佢無小朋友…你期望唔到佢企係你立場去諗…
聽到既… 聽得明既… 都當聽唔到, 聽唔明… 唔好去介意就算…
之前都有人同我講話我去返工… 無湊仔… 係唔肯犧牲…無盡到做阿媽既責任… 我聽到係嬲嫁… 但係又點者… 人地有佢自己既諗法麻…我認同應該減少同佢講私事既時間… 就算講…同事講下飲飲食食就OK 嫁啦
1個讚
你祝佢地早生貴子，生得越多越好。好想見證下sssssr 卡小朋友係點。
4個讚
d gene 咁好真係唔好浪費呀！你下次見佢問佢生得未，使唔使要袐方，等佢怕左你。
2個讚
你同事好無禮貌！嬲爆
一係串返佢： 係呀所以有啲人唔生係正確既
再唔係問佢咁講係咩意思（嚴肅樣，唔好俾佢以為你真係唔get佢想講咩），睇佢點落枱，等佢明確地知道唔係佢唔happy係到癈up 其他人就要受。
3個讚
呢D只係佢嘅無知，佢已經證明咗有無學力同下一代無關，住檔房一樣可以讀到書，住半生一樣會出敗家仔
1個讚