如果新工情況係咁，即唔即走？
剛剛返新工一星期，唔計manager，全team 5個人，全條team 上幾個月前後起曬身，依加5位新同事，計埋我，都係呢一兩星期先入職。
同舊同事有幾日交接，但工作內容好多，同事教唔曬，之後佢走咗冇人教，因為每個人自己做自己工作內容，冇交集，有咩只可以自己揾答案，佢last day 仲要ot 清野，最後同我暗示揾到工就好走，佢話一個人頂咗其他已走同事工作幾個月，未請到人。
新工有幾個老闆要跟，其中一個老闆第一日返工已經同我呻呢度啲人係怪，但感覺佢係好人，佢話佢果邊有咩麻煩事佢會幫手頂，但其他老闆比既野佢就幫唔到我頂，又話佢自己未做夠一年，明示暗示叫我有好工就好走。
做完一個月之後就要一個月通知，所以呢一個月要好做決定。
我係轉行，對新工其實冇咩概念，但因為我依加未揾到自己方向，叫做有offer 就做住先，自己對工作內容其實唔係真係好有興趣，份工其實星期六有時要返工，我未係好想，只係未有其他offer 唯有入住去睇住先。
即走好定再觀望？