我想分享下 我老公 佢係一個長期病患者 45歲
佢係好諱疾忌醫嘅一個人 佢嘅長期病 我用咗10年時間 用咗好多方法先令到佢對正下藥咁睇醫生
佢仲有一連串嘅併發症 眼 腳 皮膚 指甲 都要特別照顧
比一般人免疫力低 小小傷風感冒 都會病好耐
我叫佢去睇醫生 佢應承咗 但係一直拖 一日拖一日 兩星期 拖到現在發埋燒 都唔肯去睇
我真係 真係好攰 我要返工 放工仲要做家務 仲要湊仔
佢自長期病以來已經冇返工 乜都唔做 就連好好照顧自己都做唔到
我已經唔想再委屈自己
真係好辛苦
我唔會再理佢 佢死佢事
知道你好辛苦，比個hug你
明白你的心情
會唔會有社區支援，例如社工可以傾下
搵社工
平時有冇邊住位親友岩傾啲，勸得掂佢
有冇申請傷殘津貼？（多少都好過冇）
明白你感受,我個件分居夫兩年前糖尿病症狀出現,全家人叫佢去睇醫生,甚至話全家一齊去做身體檢查,佢都唔肯去,話自己控制飲食,做運動可以改善. 終於到前年中秋食飯話行唔到要去接佢出黎,先承認自己一定要求醫. 結果糖尿已造成心臟衰竭,上眼. 要通波仔,住左幾個月醫院.
佢完全無自理能力,唔肯請工人/入護老院. 想同返我住,我打死都唔肯. 只肯一星期上去佢屋企一次補充食物及打掃. 但廁所既污糟係等同公廁(一地屎 
).我頂唔順, 同姑奶講佢哋自己處理返.
我無法接受既係尼個病係佢自己因唔肯及早求醫造成,之後又唔肯接受意見請外援, 而想我尼個分居多年既掛名妻子去承擔照顧責任. 我拒絕.
你既情況,如果無法或不想分開,便要設法請外援.申請送飯服務/日間照顧…唔好自己獨力承擔. 
2個讚
想免費有個工人，厚顏無恥
任何十八歲以上人士所有行為要為自己負責
4個讚
叫佢睇政府醫生，如果佢有長期病患，可以叫醫生寫紙向社署申請「傷殘津貼」。
正常人聽到有錢收，有可能有啲動力去做⋯⋯
係咪呻過好多次，
唔好理，離婚