香港花劍運動員蔡俊彥周二（20日）在社交平台，詳細披露「成年隊」運動員的收入，並以他出國比賽的經驗去計算「支出」，扣扣減減下，全年只淨3萬幾「零用錢」，引起網民嘩然！不過記者周三下午發現，蔡俊彥已經清空Threads所有貼文。
蔡俊彥稱，運動員每月可獲7,130元資助，即一年12個月即是85,560元，這筆收入來自體育學院精英訓練資助；而教練費、醫療、住宿等則由體院提供。不過，蔡俊彥透露這8萬幾蚊不是「淨袋」，揭運動員出外比賽要自費，酒店、機票，連比賽報名費通通都是自己畀，6次比賽已用了55,300元。扣除開支，「唔出街搵朋友食飯、三餐喺體院食」的情況下全年有30,260元「零用錢」，即每月2,521元，每日83元。
帖文一出引起關注，最多人討論是「以為運動員出外比賽有得claim」。蔡俊彥在留言回應，稱一般在香港排名前四的運動員會有資助，第5至12名的運動員就要自費。蔡俊彥之後澄清不是其個人情況「只是希望大家關注到部分隊友會遇到的情況」。
使錢多與少，與年紀、身份、性格有關，總不能要求運動員沒有任何社交活動，應該不是楊祖賜所說「嚴格嚟講佢係無咩要洗錢！」。蔡俊彥透露出外比賽報名費、食宿、機票等都要自付，這恐怕不少體育總會高層意想不到，因他們應該都是「公費」公幹吧？
運動員必經三個階段：「見自己」、「見天地」、「見眾生」。見自己，是了解自己長、短處，不斷提升水準；見天地，則是多出外與世界級高手對賽，才知道自己所處的高度；見眾生，則像張家朗、何詩蓓、江旻憓那樣，成為頂尖高手，達到「與自己比」、「不因地方小而放棄」、「做運動員好幸福」的境界。
當然，體院提供少量金錢資助和資源，運動員外出的安排，則由各自體育總會負責。一些總會資源多，選手出外比賽，需要自費的較少。希望各總會能善用資源，多些讓本土頂級運動員見世面，那才能培養出更多世界級選手。
蔡俊彥的帖文，講出大部分「成年隊」香港運動員的苦況；而之前江旻憓的「運動員幸福論」代表最頂尖選手的情況；至於最下層、仍在努力奮鬥的一般運動員，也許又是另一個世界。一個城市的運動發展，需要整個社會參與，政府、體院、總會、家長、孩子，缺一不可。
(source: 運動員薪酬｜劍擊蔡俊彥爆運動員出國比賽須自費機票、酒店 扣除支出全年僅3萬幾蚊「零用錢」 一日後清空帖文)
一日內清空 所有 帖文, 噢, 今次係邊位"方丈"出聲?
1個讚
體育係香港從來都唔係一盤生意，日本奧委會黑衫事件已經俾大家知運動員係無政府資助，亞軍足球拎銀牌，當時口口聲聲話要推足球運動，區區有足球場，事實係點，大家都知
加上而家政府大部份資源去哂國膠個面，何來重有錢呢？ 有錢都去哂國膠度啦
3個讚
江同志話好幸福，轉頭呢個哥哥仔 post 倒貼嘅事實 , IG 就清空；
老闆話成間公司都係小康，話過半人月入一千嗰個呀伯已經唔存在。
咁似嘅?? 咁似嘅？？
4個讚
好大機會上啦，難得有個人表面人畜無害，其他個d連樣都擺明害你ga ma
不過，講根正苗紅佢又未夠，睇佢鬥唔鬥得起啦
其實而家佢笑起上嚟係有d親切感
但遲d就唔知會唔會相由心生lu
一個城市的運動發展，需要整個社會參與，政府、體院、總會、家長、孩子，係缺一不可，但更重要係培養運動員既階段，係孩子失去咗本身學習知識既時間，且這個知識係運動員將來退休隨時可以比佢向運動方向發展更好，所以做運動員隨時係失去咗將來穩定既生活，這亦都做成好多運動員有後顧之憂而發揮不出本身最大潛能得不到好成績，所以有天賦既基層運動員更難突出自己，難如江小姐何小姐般好幸福。
就算有錢撥落去體育，呢家都撥晒落去劍擊起個館。
對其他運動嘅運動員唔知佢地感唔感受到幸福呢?
好多人乜都唔知, 但個啲體育總會點會唔知, 佢地如果搵到有贊助咪好啲, 無就食自己.
1個讚
