返新工，唔知係識應唔到定點，明明自己做開呢類工作，但就成日教我個人攪到時出錯，我會有問教我個人，但就成日都自己好忙。到出錯時，又話我點點點，然後又成堆人衝出嚟話唔係咁做架，俾我感覺好似等睇戲咁，但我明明做前出街前都有問佢哋架。
係呢啲事件上都唔知會唔會攪到啲老細對我印象唔好。問其他同事又話最好問返教我個人，呢啲事沒完沒了咁。都唔知會唔會影響到過probation。
呢樣嘢我都試過，覺得教我果個人張啲嘢簡單複雜化，佢又會記錯某啲嘢嘅程序，同時又feel到某一啲同事言語間想chok我,問我帶我嗰個同事做嘢係咪咁咁咁，想我派花生咁
因為唔熟甚至唔知，所以都成日出錯，我坐嘅Office係連上司都唔會見到，走廊會經過見到上司我打照呼佢唔會應，試過佢一次冇應我，呢傢見到佢就微笑點頭，平常心
錯過啲乜嘢mark 低，可以嘅話盡量用e-mail，同事feel到是非mode就扮傻
除非大錯，或者係比佢簽嘅嘢成日錯，否則我覺得老細唔得閒理
2個讚
一定有呢D人, 佢本身又唔識你, 係老細叫佢教你. 佢其實冇義務傳授比你架喎. 仲要佔左佢extra時間教你, 老細又唔會比多D人工佢.
你新人係一定會咁嘅Peroid. 唯有就係spend多D時間自己學, 了解多D同事, 融入個圈子. 到你真係有貢獻，人地真係當你一份子， 你日子就會好
係囉。。。每間公司都會有啲規定，唔係話想話點寫點出個email都得，有啲野真係要問佢哋先知。但唔明有乜野唔可以share,難道每日佢哋無野做到等睇戲
佢哋會慣性出錯就圍內講咁
好認同老細係無得閒理啲細，不過我會盡力做好自己算，有時唔係難融入佢哋，只是無佢哋咁鍾意食花生姐。
通常庸才鍾意收收埋埋
怕教曉徒弟冇師父
怕自己俾人取代
我都好好彩so far只係遇到少數
做senior / team lead / supervisor 其中一個職能係要幫同事上手, 人哋有困難嘅時候主動幫手. 如果成間公司嘅文化係各有各做咁唔會學到野, 有機會就走啦
2個讚
非常同意～我早幾個月先辭左份新工，個上司唔願教亦唔比問，做錯佢就鬧，好似想我做錯佢有位入我咁，最後做左個半月走左。我覺得佢有心針對我，妒忌我keep得好過佢。
同樓主一樣，做野前我又係問清楚先做，但成日都因為對方講錯搞到我又做錯。建議你比一兩個月時間自己，情況冇改善就搵過份啦~