請問有冇人知道可以點教一個好守規矩嘅自閉症小朋友？
我小朋友係asd,佢一直都好乖，好守規矩，但係佢會因為世俗嘅規矩而忽略自己嘅感受
例如佢心裏面唔想做某一件事，但係因為書本教佢，如果你唔聽父母話就係唔好嘅行為，小朋友就會完全忽略個人感受而去做，佢都唔會同我地表示不滿或者自己有咩想法…
小朋友而家7歲，我擔心長此落去對佢心理發展唔好，請問大家我有咩方法幫到佢？
利申：從來冇教佢0反抗，或者唔俾佢有自己思想，只係佢太跟從書上嘅「指引」
你無帶佢上啲訓練班？我所認知自閉症的小朋友各有唔同性格都有，有啲好硬頸，唔識轉變，永遠都跟同一方法做野，行去搭車，有啲無同理心，只顧自己。你自己無去上堂認識自己小朋友怎樣教佢？你請教下專家會好啲。
有冇例子？
搵專業治療
的確會，尤其社交上
小朋友是確定是自閉症？
我諗除左忽略自己感受？
將來社交上都會有大大小小衝突
我唔多認識 asd，衹感覺 asd 對情緒不太在行！既然小朋友對書本如此上心，可否給他多看認識及表達自己情緒的書本？打底後再閱讀要聽話的書時，再詳細分析自身情緒的重要性
另外，小朋友可以上遊戲治療或類似的 training, 治療師可透過觀察來引導小朋友及家長
又或者家長在明愛或其他團體約見社工，作一個短暫的交談，可以令家長有一個更明確的方向
1個讚
我小朋友唔係ASD,但細個又係勁守規矩,守規矩到俾其他人蝦,我成日講笑咁教佢古惑野,慢慢佢無咁呆版,識走少少位
我仔細個都應該係自閉症群譜嘅marginal case
好多rules，好鍾意rules，所以數學特別好，8歲就考樂理5級，仲要極速完成，因為都好多"規則"
我嘅睇法係，唔需要改變佢地，只要發揮佢地所長，俾d有規矩嘅野佢玩，e.g. 象棋、童軍等
當然要教佢地有少少彈性，但唔同環境有唔同"規矩" 亦好重要，正所謂見人講人話，見鬼講鬼話
都係規矩(rules)
5個讚
佢成日俾人搵笨實但係完全感覺唔到
3歲前已經confirm asd 了，當初仲諗住咁守規矩係好事，點知反而佢俾規矩規範咗自己「應有」感受
例如學左一排嘅興趣班佢發現自己唔鐘意，佢會因為書上面講要聽爸爸媽媽話而唔會表達自己唔想學，仲會同我講幾鐘意上堂，但係個樣出賣左佢唔想去
好多謝你意見，你講得啱，既然佢鐘意跟就由佢跟
請問仲有冇咩班你覺得適合呢種小朋友？