多謝你地回覆！第一次請工人真係唔知咩為之合理期望，佢又講到自己好辛苦咁。我會嘗試同佢傾下，如果態度照舊我就可能會炒佢了。不過agent都講佢再斷約應該唔可以再留喺香港，我都唔想斷人米路，希望佢自己識諗。
1個讚
呢個真係都市傳說來，話好似斷3次就冇得留係香港，但事實上就應該唔係啦，只要有人請入境處就會批，否則d姐姐唔會咁大枝野
1個讚
我曾經聯絡過入境處，入境處話斷約兩次就一定要離開香港。但係佢返咗原居地後，半年後可以再申請過嚟香港。
如果僱主唔想佢再申請過嚟香港，可以補一封信去入境處投訴佢，內容要寫得嚴重，入境處就唔會再審批佢過嚟香港
（因為我第二個工人個情況好惡劣，所以入境處特登打嚟叫我寫信）
你姐姐情況而家點呀?
單手推bb車，過馬路唔lock車，呢兩樣關乎小朋友安全既野，佢都唔跟，我會炒佢。其他家務呀，黑面呀，清潔都係其次。
我同agent講左，agent同佢傾完佢都有同我say sorry，暫時態度好左，唯有觀望住先。如果佢再做埋啲越界野，我就唔會再忍了。始終佢都唔係去到對我仔唔好或者偷野借錢嗰啲，只係打份工心態，好似你地咁講，唔係最好又未到最差，唯有當俾大家一次機會。
4個讚