職場上總有非常討厭的人
你可以點
總有些人把口唔收 話9你 佢好自high 覺得自己好岩 錯就永遠係人地
2個讚
同中國人一樣，當佢透明
2個讚
佢同同事關係如何先? 其他同事覺唔覺佢有問題?
當然盡量唔理佢啦, 明白呀係幾谷氣架喇, 惟有揀公事都盡量少來往, 如果可以轉team 之類都可以考慮
啲人中意聽佢肺up
永遠講容易過做呢
咁真係小心d, 可能其他同事都buy 佢?
我呢, 就真係唔開心就劈炮既。試過有份工做左半年已覺得d 人事好複雜又多小圈子, 係去到連食飯我都盡量寧願自閉果隻, 但又唔想CV 太難睇, 於是個個月都起碼請一日SL, 日日盡量準時收工, 忍到夠十個月就開始搵工, 結果岩岩做夠一年就bye bye 
3個讚
有啲同佢一齊high
佢係男人 老屎忽 最中意話9人
但話9佢 佢就唔中意 佢話9人就得 當人唔話佢時 就話人收斂左 佢話佢自己好耐之前係主管 而家係普通員工一名 做主管做到上腦咁 痴靚線
1個讚
有d 人好鍾意擺長輩款, 覺得你係後輩就可以搵野話你, 仲要話完你覺得係佢恩賜你呀, 你應該要多謝佢袋錢入你袋
但到你駁佢咀, 佢又講足你十世
唔知 貴公司位八公係咪呢隻?
1個讚
你講完 我覺得位老屎忽好似關二哥 所有人都聽佢講 有啲人咩春都問佢
何止職場,全世界所有地方都有討厭既人,我在這裡都有好多人討厭我,咁又如何?反而我會覺得佢地多數都係妒忌對方能力才會係咁.
1個讚
上討論區都係想開心過日子,明知尼度咁多人討厭你,唔明又點解要浪費時間係度. 
2個讚
冇計,因為有太多時間可用,間中來論壇看看,論壇係比人暢所欲言,正常好既論壇唔會亂咁Bang人.更何況討厭最大因由多數都係妒忌.
1個讚
根本呢d人唔止響職場
1個讚
我懷疑上一份工個阿姐妒忌我外表，所以工作上會"線"我，又針對我黎鬧又串我，就算唔關我事都假設係我做錯先。
我41歲但個樣望落似3x歲，佢48歲，身形好肥。之後我頂唔順做左個半月走左，到last day另一個同事走黎話我又高又瘦頭髮又靚，話我係靚女(雖然我覺得只係客氣說話)，個肥婆聽到晒，同另一個同事大大聲講 “佢皮膚又好頭髮又靚，個天真係唔公平”，呢一刻我知道點解佢對我咁mean咁衰啦…
1個讚
有自信係好事,你唔尷尬, 尷尬既就係別人. 
2個讚
救命. 本來我想做CD ROM唔出聲. 佢講野太無內涵.
但佢精神錯亂到覺得大家妒忌佢. 咩事呀大佬 
職場=戰場
每日都上戰場
1個讚