同意否？
有啲似 “窮人的孩子早當家”
我就係個個太過成熟懂事的孩子，照顧兩個細佬、代替媽爸見細佬老師、同細佬周圍搵學校重讀中五、自己早出來工作供養細佬讀書….但我父母個時還健在，只是唔想理兩個細佬，見我幫手，就完全交晒比我。搞到我好累，宜家自己頭家都唔想理，唔知係累定學左父母唔想理小朋友….對自己小朋友好大歉疚
5個讚
唔一定
性格行為會遺傳父母；一齊生活都好受影響
大陸已經有句：窮家富養敗家子（類似咁）
活生生嘅例子，張氏夫婦四個小朋友將來係咪會又乖又懂事
1個讚
有D似之前一個post問咩叫窮人思維, 我諗都係類似情況
令我諗起⋯⋯
我成日都諗：最大嗰個成日被要求照顧啲細，中間嘅又通常被忽略，最細嘅又被要求聽話，一個（only child）又極自我唔諗人哋
都幾難破呢個局
1個讚
你父母都好離譜，唉
所以我要見心理學家，我內心好多野好壓抑，細個照顧細佬，無左自己童年，唔敢要求，因為試過父母唔答應
1個讚
解開自己心結，積極面對，你會得到幸福
好好振作，世界上有好多美好嘅事㗎
3個讚
見過差成10年嘅
大果個係好自動波照顧，even弟妹已經結婚
又咁講
不及格父母定義係咩？
月月清？掛住打機唔理小朋友？掛住做嘢唔理小朋友？
我估要小朋友做over佢年齡應該做嘅嘢
4個讚
完全同意，我父母就是例子，佢哋可以見細佬老師，點解唔去，要我去？！我係被迫跳級成長，skip左好多童年應該要有的享樂
2個讚
其實咁樣大果個變相係童工
1個讚
前排韓國綜藝戀愛兄妹有一對兄妹就係咁，大哥直情幫過阿妹換片，講緊唔係貪得意，而係親力親為照顧，阿媽講返件事仲覺得好驕傲，我就睇到好唔舒服，
結果大哥長大後表面樣樣完美，亦多女埋身，但到女方想深入了解男仔時，男仔會縮，因為佢從來都係強人姿態，亦唔會表露內心
1個讚
我諗起身邊見過係
大嘅要自己搭車去補習，上興趣班，講緊15分鐘車程,但大果個講到明想媽媽陪
我見過家姐對細佬女友仲嚴格過奶奶
1個讚
以前有朋友同一個有5個家姐嘅男仔拍拖，行咗幾年都行唔到落去
1個讚
唔一定既，睇下"太過"係過成點。如果只係比普通人稍為成熟d識得照顧人d, 亦可能係父母教得好？或者係小朋友天生性格咁？
我其實覺得新一代做父母都幾難，仔女唔懂事驕縱，就係父母冇家教生仔要考牌。仔女懂事，又可能聯想係父母唔關愛唔愛錫咁長大。
係教育路上，身邊會有好多旁觀者聲音話你聽咁教唔好咁做唔啱，應該要點點點，但其實忽略左每個小朋友性格都唔同，父母都係係test and error咁揾緊最適合佢既方法。
6個讚
我朋友係大女，佢話細佬個女朋友入門前要好好調教
1個讚