奧運呢兩屆最鍾意睇滑板, 見到班後生真心享受呢個活動(而唔係比賽), 久違嘅sportsmanship,
其實今屆已冇上一屆咁開心, 上一屆好多見到對方有個出色表現, 都會去恭喜對方,
但整體仍然係最好睇, 少有(亦可能係唯一)冇乜國家氛圍嘅項目,
明知冇機會拎獎, 都會盡力做高難度trick, 為自己做到一個靚trick而開心,
PS, 唔想又講強國, 佢地係有派選手架, 但出親場都愁眉苦臉, 明明未成年, 但feel到佢地係背負極多, 同樣係未成年, 巴西季軍妹妹(16歲)、日本冠軍妹妹(15歲)就有返少女應有嘅反應。
PSS, 希望呢個運動唔好又被污染
PSSS, 遲D有breaking比賽, 我估都會好精彩
上一屆啲妹妹好細個
我記得日本有隊係3個小妹妹嘅年齡加埋嘅總數都細過我
好睇，尋日男子日本仔最後嗰trick 真係戲劇性，精彩。
我都期待，係咪法國同美國都係大熱？我唔識，不過呢個項目好似好fun
佢之前幾個trick都fail左, 由頭3跌到第7, 點知最後一次trick成功左, 仲拎到高分, 即升到第一名, 呢樣亦係我覺得滑板好睇嘅地方
我都唔識, 但都覺得呢類新項目後生D, 運動員冇咁多負擔, 除左牆國
鍾意睇女沙排
其次就只要好睇就睇，禽晚睇到拿度同祖高域個場，我唔識網球，都覺堅正，由頭睇到尾。
都唔係新項目，只係奧運係東京之前冇啫，x games比賽都有好耐，但正因為之前奧運冇，玩呢項嘅人都真係真心中意玩，而唔係為攞奧運獎牌而玩，但之後會唔會變質唔敢講，只要係奧運有牌舉國體制就會做野
我睇到第一局4:0就冇睇, 呢一場主打感動 
呢點係一定, 上屆已有牆國參加, 次次佢地出場, 個vibe同其他人格格不入
我係俾啲一下一下呻吟聲吸引落去睇
。
尋日睇跳水，銀銅跳完嗰種喜悅、同互相祝賀幾咁高興，某國永遠唔會去恭喜人亦無人去恭喜佢。
某啲國家只會覺得非金不可，you lose a gold,
但有體育精神嘅國家會覺得we won silver/bronze
我覺拿度真係老了，虐老，睇到好辛苦，祖高域仲爭個奧運金牌就完美，希望佢今屆可以
跳水、體操、游水全部都鍾意
兩個年齡差不多，如果唔知大家幾歲拿度睇落去的確係比較老。
我唔睇乒乓波，但今日有場乒乓波都吸引咗我去睇。
游泳比較好睇。見到啲人留前鬥後真係心都跳埋出來。
我唔睇都聽過蓮姐大名
美國繼續做收銀員,
意大利ceccon好靚仔
鍾意睇體操，男既有勁力，女既可優雅。
感覺都多靚仔靚女睇
游水田徑都鍾意
啱啱睇左個BMX, 先明白點解細個踩單車個個都dup頭擺尾，BMX 單車回憶返晒黎
男子全能臨尾我去左煮飯冇睇幾秒，跟手日本就攞左金牌，到底最後個單槓咩事，係咪超高分壓左中國果2個落來？