我已接受現實了 
改善飲食+做運動，其實都係果啲嘢
以往都試過減肥成功，減到10kg以上，但之前成日食唔飽，同埋體脂唔跌，今次的起心肝搵個健身教練跟飲食+增肌減脂，效果好好，1個月減到4kg同2%體脂
飲食都係跟返營養師果套均衡飲食，多菜少肉少碳水少鹽油糖調味料，每日1000kcal以下，可以食飯、麵呢啲但有限制，唔需要咩168生酮飲食其實都會減到磅
但因為我要增肌，所以每日要食夠100g蛋白質，每餐都要有1份高蛋白質嘅肉（雞、牛、魚、蝦、蠔…），之後就係食菜菇類，再加埋豆腐有時飽到食唔落
運動方面每星期做兩日gym，因為我年紀唔細，如果淨係減磅而唔做運動，啲肉會好鬆，所以要靠重訓去增加肌肉
另外每個星期打3堂泰拳，泰拳係帶氧運動，會幫助減體重，做完gym一定要做啲帶氧運動先會加快減磅，其實向gym room行機就已經可以做到相同效果，只係泰拳係我最鍾意嘅減壓運動，所以堅持keep住做
最後都係果句，要克己，因為就算比錢搵教練減肥，佢都只係比啲方法你去做，做唔做就真係靠自己
4個讚
我都試過80磅唔夠，但你知中學生又會鐘意著冷衫個啲就唔太覺個人好薄。
宜家42kg成個人正常返。
我係易瘦體質同唔為食個啲
1個讚
痴肥女人通常個胸都好大
1000卡太少啦,仲少過最低代謝要求 
多返少少卡會好D
你好勤力做運動
1個讚
我基礎代謝得1280左右，所以減磅嘅時候攝取1000左右先會落到磅
而家量inbody可以度到好多指數，幫助減肥好有用
1個讚
呢part又有笑料，話說以前每個星期上兩堂，唔小心比reception 個靚仔sell我上多堂，我見平啲就是但啦，上足3堂+gym真係攰到x街
想修肚腩，一定係操腳，腳係佔身體過半 muscle. , 有強勁嘅腿先會在任何時候都會燒脂。
廿年前我跟教練學嘢，佢玩健美比賽嘅，佢話一定要 keep 住一星期操兩次腳，咁先唔會肥同埋 keep 到體力。
辛苦嗎? 認真操一定辛苦，對普通人來講係地獄。 操完腳一小時，爆哂先去跑步機慢跑半個鐘，一星期兩次，包三個月見效。
3個讚
有冇d入門版學吓
我一星期慢跑三次都成日想放棄
weight training 新手最好跟教練
如果本身體重大， 大腿肌肉弱，跑每一步膝關節都會直接受壓力，好易傷膝，特別係啲跑到啪啪聲更傷腳，武俠小說啲高手跑步無聲，係有根據嘅。唔信搵次落樓梯 落斜路 keep 住無腳步聲，你係要 keep 住大腿肌肉用力先做到。
同埋，跑一個鐘，先燒到好少熱量，食多少少都返哂來，時間和回報根本不成正比。
2個讚
我自己跑咗大半年，就冇腳痛，可能以前讀書都係跑過長跑，但就真係對修身冇乜幫助
行路，每日最少行 6,7km
最易做，好過唔郁
年紀大，食少啲都冇用，一定要運動
1個讚
你本身有運動底，問題不大，最怕係平時都無運動，河馬咁嘅身型，大髀粗但肉係鬆嘅，呢啲風險最大，太肥嘅人我建議做好 weight training , 操返多少少肌肉先去跑。
1個讚
一個疫情 日日屈喺屋企 重左十磅
其實你真係做好多運動, 2日gym, 3堂泰拳
再加上1000Kcal以下, d肌肉唔痛咩
我覺得自己都有心做運動, 但都要諗食咩係好煩惱
(我自己1星期3日40分鐘 HIIT+30分鐘拉筋), 半個月打一次羽毛球(未必book到場)
食少D, 但食唔到你咁多蛋白質(100g), 中午正常碳水(我唔想甩頭髮 )
晚飯睇情況而食(屋企麻煩因素)
諗緊"塞"多幾個時段去做重訓
(岩岩開始左1.5個月運動… 唔肥就得啦, 2-4月唔知做咩, 肥左10磅… 本身都已經肥架啦
同自己講, 唔好再肥落去啦, 郁下啦, 跑都跑唔郁啦你, 開始打羽毛球, 15分鐘就唔夠氣, 而家都打到40分鐘)
點解我咁問呢？因為我識有個朋友，大胸，條腰都粗，pat pat都有肉，見佢簡簡單單著件白色方領背心，襯條高腰牛仔褲，非常簡單紮條馬尾，成個葫蘆身形出晒嚟，唔覺得條腰特別粗，有前有後，都幾正
但大台果個波波就真係腫，平時睇娛樂新聞嘅相，覺得條腰真係太粗，似水桶
我就係你講個類人士
拉筋既教練都係咁講,要先強壯肌肉才可以做跑步等運動.
剛開始做weight training，大髀後面好鬼痛呀，教練話好事，證明有用到肌肉，希望可以堅持 