佢拎住個尋晚買嘅pizza同張單向counter 同啲職員講貨不對板，要佢哋重新做過一個，
真係痴線，個pizza隔過夜仲差唔多10幾廿個鐘先拎返去換，
因為我可以拎外賣就唔知結果係點
如果係你，會唔會換？
1個讚
我唔會換，但pizzahut應該會換比佢
梗係唔會換啦
若果真係要換，佢尋晚發現有問題嘅時候應該即刻打俾Pizza Hut
唔係咁樣隔咗一日拎返尋晚個Pizza去舖頭話換囉
我上星期都去茶餐廳，買咗兩個外賣
我自己嗰個晚餐本身配白飯的，但係我加錢要求換銀針粉
返到屋企發現餐廳最後都係俾咗白飯我
我真係好唔想食
好彩餐廳只係喺對面屋村
我都即時打電話俾餐廳，佢哋梗係想我照食啦，但係我話我已經加咗錢去轉銀針粉，我就係唔想食白飯。最後我梗係過返去茶餐廳換
我唔通第二日先拎個白飯去叫人俾返銀針粉我咩？
食物仲要隔左夜先話要換，應該唔得啦。
2個讚
店員都係打工嘅，
公司嘢，問經理攞，
個客 都要 提出換貨嘅 理由 和原因，
經理佢肯比佢換，咪同佢換，
唔肯換，就同個客講無得換，
個客仲係堅持，
叫佢同公司客戶服務部電話投訴，睇吓客戶服務部同事點拆招。
其實都唔需要點諗，俾佢換貨，都係公司嘅錢。
同個客 嘈 就係 自己勞氣。
1個讚
外賣叫完唔係唔即刻食唔知叫嚟仲乜。隔咗一晚就話貨不對辦要換過新。
呢家啲人都幾有趣仲好能cheap，識得做茶記老品話啲人用app落order係備註要求個餐要加塊多士（加塊多士要錢架，唔係打落個備註到呀。）
3個讚
最慘係，個west客打去公司就唔係投訴貨不對版、而係投訴「你哋同事當時態度差，你地乜嘢服務」，然後呢，公司就彈返隻mail比分店經理解釋同要分店自己拆返掂個客
最後個波又去返分店到
2個讚
正解
真係未必即食, 有時會買多, 有次我媽買個上海炒年糕俾我食, 咁我已食野, 咪無開過放雪櫃等第二日食, 第二日打開, 點知原來係白飯, 於是我媽叫我影相比佢叫餐廳補數
1個讚
會換，
佢咁遠拎返個完整無缺嘅pizza 嚟，咁有堅持，只係要求換⼀個 pizza 而唔係 refund
站喺 management 角度，比較我已知嘅損失 (1 pizza cost)，
同我無損失 (前枱同 CS處理投訴嘅時間而阻礙或者損失到其他客入嚟) / 可能賺咗 ( brand image and referrals) / unknown risk ( 因為我哋忽略咗個客換pizza嘅原因而引致嘅公關災難)嘅，
Unknown risk 對任何Business嚟講都係唔理想，
我會換。
唔知對方幾點落單喎，我試過收工前買，返到去發現貨不對版，平款仲要無埋芝心，打電話去鋪頭又已收工，咁一定要聽日先處理 
1個讚
又或者買定多d 等屋企人收夜食？有時都唔好認為自己唔會，就斷定其他可能。
我啱啱都試過喺m 記加錢買嘢返去先發覺執漏，都係第二日經過去間鋪到講返，預咗無，因為嗰日佢又死機print 唔到receipt，但d staff 好好人問我哋邊部機買say sorry 就俾返d 嘢我哋。
而其實當晚我哋係去旅行差唔多夜晚十點d 小朋友已經又餓又攰，我哋都唔想行兩條街返轉頭攞。
回想n年前食茶記
有個後生女叫咖喱牛腩飯 佢叫伙記 “多牛腩”
伙記答佢 “多汁就得”
所以咪話唔需要勞氣，賠唔賠都係公司錢，唔係自己銀包嘅錢。
呢d 真係唔識做人, 咖喱牛腩最貴梗係d 牛腩。個伙記都算好, 仲答佢可以多汁
個介面本身有無"加多士"呢個加錢既option? 如果有呢個option 都要落備註就真係cheap
我試過係大x活app落單，份餐係啱嘅，但拎到返屋企發現個肉餅變咗，打落去，叫我即換，但我個陣唔方便落街，佢哋叫我第二日落去拎個餐
又試過佢哋pack漏嘢，都可以俾我第二日補番
又一次喺連鎖式麵包店買蛋撻，佢收多我一個蛋撻錢，我打返去同個店員講，過幾日都肯補番個蛋撻俾我
我都試過連鎖店類似經驗啊
又係pack漏食物俾我，叫我總之得閒經過就去補番。只要講出日期同埋訂單Number就會照俾我
1個讚
麵包店我冇拎單，但我有講幾時幾點，因為只係半個鐘內發生嘅事，個店員記低我電話就叫我得閒補拎