-
由細到大無咩照顧過仔女, 好多時都係擺低仔女俾親戚照顧, 自己走去打麻雀, 連買餸煮飯都係當時8歲大嘅老公做, 咁多年連關心說話都無咩聽過, 開口埋口就係"俾錢我", “買xx俾我”, “同我去xx食飯”, “車我去xx”,… 俾佢知你工作OK仲大鑊, 要求更多錢… 連個女身體有事, 去照顧個女都要問個女收返每日照顧費用(當然唔少得買嘢嘅錢一定拎足甚至拎凸啦)… 唔睬佢又同佢D家姐阿哥(下稱親戚)數我哋…
-
講大話搏同情, 成日同親戚講仔女無俾錢佢, 無理佢, 好可憐, 搞到親戚們話我哋不孝, 事實係我哋有俾錢佢, 請佢食親飯佢都唔貴唔食, 佢一話咩唔夠就買俾佢, 連尖沙咀去旺角都叫我哋車佢過去… 最初親戚們因為信佢就陪佢食飯, 點知佢次次都唔願俾錢, 連窮過佢嘅親戚都幫佢俾埋佢嗰份, 佢仲覺得老鳳…
-
次次一唔聽佢話就嬲, 過兩日就扮病入醫院, call晒所有"老過佢"嘅親戚去探佢, 就算我哋有買嘢俾佢食, 佢都繼續叫依班老人家煮依樣買嗰樣拎去俾佢, 要全天下所有人無間斷照顧佢… 有部份親戚已知佢嗰套, 但本著親戚關係都要應酬佢, 搞到我哋不斷還人情債… 仲信佢嗰D就繼續當我哋係不孝子…
-
貪錢貪小便宜, 喺仔女屋企偷偷㩒沖涼液沐浴露拎走, 連仔女屋企散紙兜嘅錢都偷, 甚至去到親戚屋企會開人哋櫃桶偷人哋嘅護膚品用, 篤爆佢就死口唔認, 有證有據就發惡鬧人
-
憎人富貴嫌人貧, 連自己家姐生活過得好都唔抵得, 覺得人哋曬命. 佢小康之家出生, 由細到大都唔駛打工, 婚後返得嗰幾個月工都係賺錢買花戴 (自己儲埋無放落頭家度), 仲嫌辛苦做幾個月就唔做, 但就唔知足, 成日怨老爺俾唔到大富大貴生活佢過…
剛剛又玩入院… 連醫生都話好小事唔駛入院, 佢都可以鬧到人怕咗佢俾佢留院, 然後又當全世界係Food Panda去買嘢俾佢… 好惡頂…
老公佢哋苦惱緊可以點應對… 特別係老鳳搞住D親戚…
叫佢哋唔好幫手寵容佢啦，包括你哋。嗰d 3姑6婆就算數，亦唔使解釋自己做過d 咩。
2個讚
已經講到口臭, 有個死蠢嘅仲信佢, 都係唔聽我哋講…
就係對上一次佢要班老人家做food panda, 激到我哋唔理佢, 佢就開口要錢, 我哋更加嬲到唔理佢, 佢就再玩入院, 玩多鑊… 我哋淨係還人情債俾班老人家都還到一頭煙…
一次過開group爆晒佢啲惡行出嚟，講到明邊個信佢貴客自理，仔女唔好理佢最好
2個讚
why ar
唔理佢哋就得啦
佢哋係都要幫你99咪自己幫到夠
6個讚
老一輩嗰代講"血濃於水", 係唔會完全唔理自己個妹, 要佢哋當個妹透明係無可能, 所以我哋唔會話佢哋多事… 好彩今次截得切, 除咗蠢嗰個, 其他親戚都無去探奶奶, 奶奶就死死地氣逼住出院…
其實佢哋已經知個妹喺度拆存在感, 所以已越嚟越少理佢, 係除咗蠢嗰個… 連其他親戚都忍唔住玩篤爆, 佢都仲200%信個妹… 嗰個我哋唔會理佢, 佢要繼續俾個妹呃就由得佢…
LoveB
10
我阿媽真係都有D似妳奶奶，但妳奶奶原來仲嚴重過我阿媽
我都無諗過咁唔好彩, 遇中個極品奶奶, 但好彩嘅係佢D仔女唔係媽寶, 否則我離硬婚
由得佢唔好理，到佢刷多兩次存在感，同情佢果班人都會知乜事。
好多時班人係要個話題，要講嘅，你做乜都會講。講到尾，人哋講乜你哋唔好理，話你哋不孝又唔會減人工，咪由得佢哋講。
2個讚
LoveB
13
真的，其實我媽咪同樓主個99都係咁
我媽咪好鍾意講是非，係周圍同D街坊三姑六婆講我哋仔女點唔好點唔好 (當然唔係事實)
試過遠到港島區嘅親戚打電話俾我哋問，真係傳到過去 (大癲)
我媽咪都係嗰D專揀淩晨走嚟話要入院
久而久之，佢鍾意點就點…咁之後D親戚當然知道我哋唔係咁嘅人，都唔太理我阿媽，聽完佢講嘢就算唔會信佢，而且知道我哋都孝順
叫做比老人家發下噏風
1個讚
其實我都唔明仔女既心態係咩？就算唔讚得驚讚壞、咁都唔駛踩吧！
我都想、可惜唔係…
都係傳統果款唔讚只踩隔離飯香、又愛面子、我哋做多多都唔滿足、久而久之都心淡了
今日因為一件事, 我忍無可忍喺電話鬧咗奶奶十幾分鐘, 講返晒佢近排嘅惡行, 鬧到佢收晒皮, 我將會再俾佢數臭我, 但換來我心涼晒, 舒咗口氣…
1個讚
