百年腐乳老字號「廖孖記」早前被食安中心檢測過後，指其腐乳含過量蠟樣芽孢桿菌，其後「廖孖記」決定結業。今日，食安中心接受媒體訪問，表示曾巡查廖孖記的食物製造廠，發現廠內沒有生產腐乳，而白腐乳經由另一間荳品廠供應，而廠房只是重新裝瓶、添加調味料等； 同時指廠方現場衛生欠佳，有許多灰塵及生鏽。
「廖孖記」曾指經由食安中心「教」製造一樽測試樣本，食安中心專員否認有「教授」「廖孖記」，指「點會教百年老店整腐乳」，重申無論什麼樣本，只要超標不合格都會通知公眾。而「廖孖記」原本宣佈下星期一在開記者招待會，隨後又宣布取消，指將以另一個比較輕鬆的方法交待事件。
我冇搶，但如果佢真係呃人，我會好失望
竟然攞人地嘅腐乳當係自家出品
有人話佢啲腐乳係內地入口，佢地加玫瑰露 only
話係行內人都知
咁佢都幾無良，仲要賣到咁貴，抵執
未食過
可能佢調味調得好同用貴價玫瑰露掛
我未買過,奸商扮受害者
即係走精面，係香港工場加個簡單工序，就當係香港製造。
真係無商不奸
佢唔係產品出事，呢個秘密可以長埋心底
下！唔係掛，咁都得，仲要賣咁貴
以前有買，有次貪得意買第二啲普通牌子
發現仲好食，可能比較岩自己口味掛
而且平勁多添
聽講好多野都係咁
明明係MIC
之後運嚟香港包裝
就話係MIHK
唔怪之得出事後寧願即刻執咗佢
我諗佢哋心知肚明好快會被踢爆
d腐乳根本唔係自己整
點都會失望, 以為係MIHK, 點解原來又係扮
我老豆未走之前, 佢好鐘意食, 食腐乳, 緊係食廖孖記
但因為佢唔係平, 所以好少食
如果佢仲在生, 佢應該超超超失望
護膚品都係，全部發展中國家生產，運一轉去法國加啲啲嘢就話係法國品牌
護膚品都係！請問邊個牌子？
我嘅第一個想法都係咁, 身為百年老字號, 點會甘心俾人屈
一定用盡方法還自己清白
知道衣物係咁
唔知護膚品都係喎 
我聽啲KOL講咋，但佢冇講牌子
佢揀左攬炒
佢唔揀去證明自己產品冇毒菌
不過仲好多人撐佢話食品有菌好正常