我屋企唔係有錢，但因為舅父做保險，而我阿媽耳仔軟，喺我哋仲係好細個時，已經幫舅父買左好多份保險。
其中一份係我17歲時買嘅人壽保險，受益人係我阿媽。份保險到我正式出嚟做嘢時，阿媽就要我自己供，保單持有人當然仲係我阿媽，每月供三百幾，已經供完一段日子。
舊年阿媽話自己老，喺冇問過我嘅情況之下，就將保單持有人同埋受益人都轉左我阿哥嘅名。我真係非常之嬲，覺得阿媽冇尊重過我，話晒份保險我供咗咁多年，受益人寫邊個應該係我話事。而我同阿哥關係比較平淡，都唔算特別好。至少我覺得當我出事嗰陣，佢唔會無條件幫我。
我真係好想cut咗份保險，但cut咗去只係攞到幾萬蚊，蝕咗好多錢。唔cut 既話，受益人個名只會寫我阿哥，我有咩冬瓜豆腐，啲錢就送咗俾佢。
我而家都唔知應該點處理好
要求你大佬改返你做保單持有人,如果佢唔肯,你cut單,似乎錢都係退返俾保單持有人.
你要向保險公司問清楚.
要持有人先可以改架喎應該
如果真係唔肯改，老實我寧願蝕比保險公司都要cut左佢
Or拒絕再供！
佢咁鍾意比你哥咪自己比埋佢！
但你可以同你哥傾下，睇黎你媽重男輕女，你哥出聲可能說服到佢
其實我唔熟㗎，只不過大家傾吓
睇吓有冇做保險嘅網友解決到你嘅問題
當然最好真係直接問返自己個保險經紀
如果你嗰份人壽保險
雖然當時係媽咪俾錢
應該係屬於你個名？
而且你出嚟做嘢之後一直都係自己交錢
可唔可以你自己向保險公司嗰度更換返受益人個名？
例如我係保X保險的
我可以自己喺個Apps度隨時更改受益人個名
我唔知你嗰份得唔得呢？
咁當然，媽咪冇通知你嘅情況下，自己咁樣做真係會令到你好唔開心
亦都好唔尊重你
最緊要而家希望你首先解決咗更改受益人嘅問題先
Big hug 
受保人同繳付人係保單入面完全無權利可言，只有保單持有人先有權對份保單作出任何更改，樓主問咗都等於無問
受保人無權要求取消保單
緊係啦，但姐係諗住啊媽重男輕女，可能聽啊哥私人說服而改名姐。
保單上任何改動只有保單持有人先有權去更改，受保人及受益人係無任何權力，而轉保單持有人係需要原先保單持有人及新保單持有人雙方簽名先可以
呢點就唔知，最好就直接問阿媽最清楚，無謂自己亂諗嘢
呢份係人壽
問左亞媽喇，佢覺得自己年紀大，隨時唔喺度，所以將保單嘅持有同受益人都轉晒做我阿哥嘅名。佢轉咗後先通知我
真，當時知道好唔開心，對佢哋更加心淡
我一直喺呢個家都唔受尊重，乜嘢都係最遲被通知，甚至冇通知嗰個。
其實若果係我，我一定出聲。
因為份保險之後係由你自己供的，點解你媽咪自把自為要將受益人改做俾你哥哥？我一定會表達我自己有呢個權利去釐定邊一個係呢份保險嘅受益人
咁佢知唔知其實可以轉返俾你自己做持有人？ 呢點你要問一問，可能佢對保單上身份有誤解
我出左聲喇，依家係搵解決方法
諗緊一係轉受益人（我無仔女)
一係cut 左佢攞返錢
我唔係話問左有用,只係向保險公司求證既資訊係最準確.我驚俾錯意見佢.
最慘你唔係保單持有人,你無權作任何更改. 如果你大佬唔肯轉返俾你, 一係你同大佬協商,俾返你負責供既金額,你就當尼份單從來無存在過.
叫阿哥或者阿媽俾返呢段時間嘅供款你
我唔會接受。其實講緊供左幾多錢？
如果係我，我會要求轉返我係保單受益人同持有人。如果佢哋唔咁做，我會當買斷左我地既關係，你媽到時病又好咩都好都唔會理，咪睇佢個仔係咪咁孝順照顧佢。
而另外一個婉轉啲既方法，一係話自己急需要錢，轉返俾你先。睇佢肯唔肯。
軟唔得，就會硬