我一直持開放態度，唔迷信但有啲係common sense嘅風水野會寜可信其有
識人係純興趣不收費幫有緣人睇紫微同風水，俾佢睇過屋嘅風水，又覺得風水怖局係幾work，至於紫微就未來嘅嘢仲未知準唔誶
唔使dm我，唔會介紹，只係想喺度R水吹傾下呢個topic
唔信
信啊
間唔時都會想去黃大仙求下籤，算下流年
1個讚
本來唔信，但見前公司嘅經歷就開始信，前公司大廈係十字路口corner位，showroom全落地玻璃對正街外，公司老闆同事接連大病、cancer、自殺等等。之後老闆搵人睇風水，原來呢個位係好大殺氣，雖然搵到大錢但一定會影響員工健康，擺完風水陣後，又真係原本有病嘅同事漸漸康復，亦再冇同事出事，真係唔到你唔信
3個讚
可以參考, 不會盡信
1個讚
信啊，一命二運三風水
我信命運係整定亦信性格可以改變少少命運
以前啲有錢人好重視祖墳風水，因為會影響埋後人，所以都應該係有根據
聽過唔只一個風水師傅講，鄉港一入九運就冇運行，邊區邊行都死，又真係今年成個市道都差到pk
信一半
我信風水, 但好多concept只啱古代唔啱現代
所以自己住得舒服就ok
命理就唔係好信
例如擇時辰開刀
每日咁多人同一個時辰出世唔通個個條命都一樣咩
1個讚
信信地
有人話過漁村九七之後既基建都破壞風水
唔知有冇根據
2個讚
住漁村信
有d根據,可上網搵黎睇
信, 但自己人生都要自己努力
1個讚
我信, 一命二運三風水… 好醜命生成, 即係條命係注定, 要點樣去行真係靠自己, 運就人人都會有好有壞嘅時候, 用良好心態去用運, 風水真係好神奇, 做生意真係一定要睇吓… 以前我跟外國老闆都年年睇, 依家係香港人老闆就更加, 睇完生意同其他業務都好暢順…
3個讚
紫微好難明。反而我睇得明星座盤。
風水唯一可能想試下文昌位，因為有細路，想知擺好個文昌位係咪真係有利讀書。
單靠在流年文昌位放風水物品，效果有限。即係好似食粒感冒藥，並唔能夠延年益壽咁。如果要認真催文昌，要整間屋咁去佈置。
這是風水學理上的看法。如果完全唔信風水，那就無所謂啦
地舖、近馬路、人流旺的地方，通常風水的力量都好大。
風水師傅講過，化煞較容易，催吉就很難。所以應該是“避凶”然後才“催吉”。希望無壞事發生，就會有好事埋黎。
君子不立危牆之下，這是傳統儒家文化的想法。但現代人就是鍾意刺激犯險和突破極限（富士山登山、X-game)，所以風水背後的價值觀都可能是不合時宜。
多少都信，不過又唔會太迷
2個讚
隔隣居自從兩年前買左另-座單位，以為細轉大。上年佢像輩患病，工人姐姐但癌症轉了去照顧另一屋。重換不倒出租層樓，屋宛千四萬奕成千萬頭。人有運，時有別
多謝你解釋。
因為唔識，都係諗住跟流年擺下，好過無。
唔信
信風水
隣居係五黃位動土，家中人就接連整親生病，之後佢朋友講要擺返個陣擋煞
八字紫微命相呢啲其實有科學根據，係一種statistics，可以當作參考，但覺得會受大環境有所影響。例如：香港人唔會咁多人都係條命有移民運，但呢幾年有幾十萬人移居外地，呢個就唔關佢地天生命格事，係受大環境影響
4個讚