咁都好危
人一定要keep住生產力同就業能力，不論男女老少
你在多倫多？
唔會好得幾多，我住多倫多都咁
去到Edmonton 咁少工作職位只會會更難！
巳有計劃再係搵唔到工就回流香港，唔想再係呢個國家浪費時間。仲有一個問題，加拿大醫療真係好唔掂，亦令我想返香港既原因。
1個讚
識人又如何，唔識hiring manager 真係唔使諗啦！
而家個市係差到有referral 都唔代表會請，唔代表你會搵到工！只係有個機會見工，但呢邊亦都好多鬼工，啲公司要做到個市好旺咁！
個大環境係好難頂，經濟蕭條，黎左100萬臨市居民黎加拿大，本地人都怨聲載道
1個讚
係呀
我在溫哥華，睇新聞見好多奇怪狀罪案都喺多倫多發生，所以估你喺嗰邊
我覺得溫的治安還可以，未至於太差
我呢邊認識嘅唔同種族同香港人都搵到嘢做呀，仲要係搵到自己讀嗰行，如果唔介意拋頭露面，零售業都會搵到嘢做，不過租金最近真是上漲得誇張，加埋通脹，今年才到的香港朋友的確生活會有壓力
我識得一家去咗加拿大，另一家去咗英國，2個家庭嘅男人都喺外國搵到野做，人工唔錯同埋都係做番佢地以前香港嗰行。
但近排佢地都話諗住會想返香港，寧願個男人做太空人，因為覺得始終香港搵錢多D, 最大問題係香港稅率低，可以有多餘錢。同埋外國做野始終有glass ceiling
多倫多真係覺得差呀，想搵本行都唔容易，太多啦太大競爭，巳經住到灰灰地，早啲回流見下屋企人朋友返香港仲開心
唔知加拿大，英國見工就team manager見返同決定請邊個。有人介紹會好好多，唔使怕過唔到 hr
我指識人好過識字係各方面，唔單指揾工
移民timing都好重要，呢年無論加拿大及英國環境都唔好，兩三年前就唔錯
兩三年前都唔好，個陣 covid，只係冇人諗到而家更差。
其實最重要睇下自己有冇人地需要嘅專業，留係香港都要睇呢樣
1個讚
完全零SAVING…返唔到工就已經GG
如果諗住搵錢其實唔應該走…香港搵到幾多搵幾多
人地本意係救生艇嚟…
14個讚
如果做返本行 + 人工唔錯都想回流做太空人，咁應該同工作環境氣氛有關
呢到好多人工作態度同熊貓冇乜分別
不適合對自己同工作有要求嘅人
1個讚
我諗英加2地大公司來講都注重員工diversity，會有headcount請下新移民，但過左呢2，3年呢d headcount都fill up哂，後期來嘅搵工難度又加倍左，而且經濟又唔好
1個讚
我覺得英國算好，睇 background, 啱就請
所以視乎有冇人地需要嘅專業 / 背景 / 技能 / 語言
如果本身係香港高薪，想搵返高薪唔應該回流香港，應該去杜拜新加坡搵錢，講真香港都唔知仲有幾耐搵
1個讚
真係好掂就應該度度都搵到食嘅…係多D定少D…唔會搵唔到
1個讚
樓上講左做返本行，重要人工唔錯。
大把人響英國都本行到…用返英國物價水平都係唔錯
如果以香港水平, 就一定冇啦
都係果句啦…搵錢唔好亂上救生艇囉…
4個讚