無論英國同加拿大，好似多咗人話諗住入咗藉就回流。
你地身邊有無人會真係諗住回流？
外國真係咁唔好？
咁當初點解要走
朋友啱去完英國睇環境
佢探下去左果邊住既朋友
佢話佢地都生活得麻麻地 唔係咁開心
可能最後都係返黎
我朋友就直情取消左移民念頭 因為佢老婆去到英國非常抗拒
3個讚
無睇Threads，大部分朋友都好適應外國生活，係有一個好多怨言成日呻同比較英國香港，之前有分享過佢走前揾我傾偈已經覺得佢唔適合移民，我估佢好大機會攞到passport 就走
3個讚
香港朋友啱去探完另一個係英國嘅香港朋友，住左幾日。
之後話唔會去英國，覺得冇前途。同埋個 friend一家係英國生活唔係咁好, 勸佢地入藉後回流
英國個friend 已經住豪宅區，所以我都唔知發生乜事。只係知道英國個 friend 平時成日慳水慳電得好緊要，可能嚇親人
1個讚
英國就冇乜，加拿大就有講得多話回流
2個讚
Threads係比較多負面野講，但生活過之後，確實香港係方便舒適好多，否則當年去留學嘅唔會99.99%都返香港做野啦，加埋工黨上台，英國同加拿大都係左翼，我估5+1後會超過5成回流
3個讚
想回流嘅應該係成日將香港同英國比較掛係咀邊嘅煩膠
其實班人立即回流算啦
香港咁好咁正又搵到錢冇謂留喺英國尼D鬼地方
11個讚
功能性啲講：移民係要個外國國籍保障，咁入籍後回流係一個理性決定，都係學藍屍啫
香港係我哋屋企，首先唔好 assume個個返去=為錢，就算係為錢都唔係錯，為舒適想過自己既有生活更加唔係錯囉
17個讚
呢度隔日插人回流, 隔多日插人做太空人, 你班cash buy屋後師奶冇野做, 自己全家過泥走唔到, 唔扺得人返香港搵錢, 睇下醫生好
你意思未正式移民過去，只係去睇環境已經非常抗拒？
唔一定拎香港同英國比，係拎 make 唔 make sense 同英國比
香港好多人有外國經驗，世界觀比普通本地英國人大。作出比較都好正常
1個讚
我都係其中一員，
只係確定會返亞洲，未知去邊個城市。
回流返香港機會唔大，
要重新適應早角文化都係搞唔掂。
宜家拔起條根，好似周圍飄泊嘅野鬼
外表風光，內裏空虛。
1個讚
我前同事有澳洲籍，仔女都有，佢哋黃但就係因為有保障所以唔走，因為留喺香港實在生活比較好（兩公婆都只係半專業，去到澳洲唔算易搵工）
我留港嘅朋友不少有外國國籍，都係上一代pass比佢哋
撫心自問：大家如果係咁嘅case，好多都唔會走住，所以其實都係為仔女攞個保障啫
我想指出移民一個本質，唔係想話幫邊一方
3個讚
有啲人鍾意工作，對工作有熱誠嘅，重有工作價值嘅，我都會支持佢地回流 / 去其他大城市工作。
懶人太多，你一個想好啲好快啲都冇用
2個讚
移民既人幾時先唔好覺得自己高人一等? 世界唔係得你地擁抱自由同民主law
真，呢個真係其中一個原因。
雖然已經住大城市，有時感覺好落後，
職場文化、公共交通、小病睇醫生等。
（醫療方面，如果係大事係好過香港）
亞洲俾錢係解決到問題，
呢度肯俾錢都要自己跟進，睇少⼀眼都出事，
無論試左幾多次都未適應到。
2個讚
冇人考慮子女教育問題？
係香港睇抖音講支語
聽到啲學生開口埋口牛B 666已經接受唔到
洗腦就變小粉紅返嚟批鬥自己
唔洗腦就因住佢講錯句野俾人退學甚至坐監
6個讚
長遠我相信多人回流，特別係如果香港情況好轉（短期內唔似）
我自己：如果英國好似加拿大杜魯多咁反智治國，一定走，頭也不回
2個讚
係
如果佢旅行心態去 一定感覺唔同
心態係睇環境 以後我就要住呢度喇 就好大壓力接受不到
我相信好多係等仔女大就自己回流
6個讚