Mamak
242
我一家三口黎左加拿大三個月
物價貴呀 租屋都唔平
雖然出發前有預左啲錢係如果搵唔到野做要年半載都生活到，不過去到真係下下用積蓄時心理總有啲唔平衡 。
我兩公婆算好彩，好快搵到工仲要係全職。
一搵到就要幫呀仔搵day care / private school
終於攪得掂時，我份工因為train 後係要輪班番（call center )，佢地HR冇咩flexibility 比到我。
唔可以番死一個更，我好大機會要辭工了。因為放唔到17:00/17:30 我係湊唔到仔放學….
公司超過8成係印度人，我係暗公司感受唔到外國公司既彈性
其實番得都唔係好開心，因為工種我覺得唔係好岩自己，但當初一有offer 真係狗衝拎左個工作機會先 。
上星期見左一份近啲既工，工作性質又係自己喜歡既，去到final ，見完我自問覺得都唔錯，最後佢話揀左另一個人冇揀我，真係有啲唔開心….
又要準備搵工既浸長日子
其實自己番工放工時搭成個幾鐘車都會亂諗，好易諗到流眼淚 。但我又心知黎到呢度，小朋友受既教育會較好，或者我自己作為家長都自私 ，我都唔太想參考香港教育制度遊戲….所以選擇左黎呢個近環境
唉
希望過多半年可以再安定啲
呻完了
多謝收看
19個讚
樣樣都有D,
呢一浸去加拿大嘅香港人都係後生仔為主, 自然少D錢去支持,
另一方面經濟真係差左, 仲有好多印度人同你爭Min pay, 就算你放底身段都未必易搵工
1個讚
講得無錯，仲有加拿大搵工就好似6-70 年代香港，仲要靠人介紹，加埋有加拿大經驗先會有機會請或者見工，其實佢地文化好小圈子，並唔係外間睇到既好diverse, 好接納多種族，加拿大人你想融入佢地圈子做朋友極難。而家經濟仲要差得好緊要，一份min pay 工都難搵，比印度人搶哂黎做。
同埋治安好差，偷車搶劫殺人經常都發生。
2個讚
我英國都想回流、但另一半唔想、加上仔女讀緊書都係咁易。物價貴左好多、做唔返本行勞動工作好大競爭又搵唔多、香港人唔夠人爭得豬頭骨做、真係做唔掂、經濟即時未去到好大問題但又未退得休、兩公婆唔返工係屋企都好多磨擦。
如果已經過左去幾年，仔女唔識中文好難返香港讀書，除非返黎讀國際學校。
聽唔少夫妻關係都唔好，真係唔知佢地係香港時係米已經感情唔好，定移居生活導致。
有啲想離婚，有啲就同左本地人一齊。
香港有屋重可以諗。否則使左一筆錢去英國，跟住又成家返去，好易兩頭唔到岸。
起碼拎左 pr 先諗，到時可以一個返，另一個同細路係英國讀書
如果係第一批去，忍多年零已可申請 pr
到時可以試下遙距揾到工先返
1個讚
No.7
254
我自己覺得係喺香港生活忙碌/多姿多彩，相處上好多事可以唔理住就唔理住，通常都係犯大錯先要去到離婚。
但去到新環境，都多左思考人生想要咩嘢，分歧大左都好正常。
4個讚
可能你有你嘅生活，佢有佢嘅忙碌
而家就生活太多沖擊了
我聽嘅 cases 我覺得係虐待老婆，雖然唔係打
如果係香港已經係咁，應該要離婚，重一齊移民？
都係啲後生夫妻，30尾 40歲頭
聽完真係勸唔到佢地唔離婚，至多唔出聲
可能呢邊冇工人，啲男人米當老婆係工人囉
老婆重可以提供埋服務，又唔使比錢，好過工人
忍到個啲女人，我唔會出聲，覺得佢地好勁，咁都頂到
忍唔到嘅，我叫佢地忍埋入藉先。最好揾下有冇親戚朋友屋企住下分開下先。
離婚一個女人帶住細路又唔係有錢，長遠都好難生活，雖然入藉後有乜事應該可以申請福利
不過呢種關係根本唔應該忍
香港各自返工、放假出街旅行、而家日對夜對、聽過唔少太太都因為家務嘈過、無細路就兩個係屋企鬥唔郁、或者一個返工另一個一腳踢、黎到經濟又唔係好到可以搵鐘點餐餐出街食呢
因為細路先黎、而家都因為細路重細讀緊書走唔到、個人好抑壓
香港無屋要當重新開始、工作機會俾人上哂、所以另一半都唔想、只想咬緊牙關捱埋去
如果只係嘈下家務同生活小磨擦就忍啦
但有啲男人當老婆係工人 + 雞 (係好難聽) + 老婆重要出去返工揾錢 + 湊細路
個種我真係忍唔到，但考慮到環境問題，又講唔出口叫佢地離婚
如果係香港已經係咁，邊有可能一齊？
如果有專業，年齡又唔太大，就頂到 pr，之後遙距揾下工，揾到可以 cover 一家人開支嘅就一個返去.
1個讚