舊年小朋友入左一間中文教學中學升F.1, 當時我地係叩門入呢間中學嘅.
之後小朋友都係全級前10名. 上星期小朋友表示想轉校, 佢冇同同學夾唔到, 不過佢話想英文好d, 同埋而家上堂果陣, 有d同學唔專心上堂, 佢表示好煩唔鍾意. 佢有講之前小學有d同學仲有保持聯絡, 佢聽完人地學校嘅上堂模式, 有d心郁想轉校.
我今日打電話去呢間學校問過職員, 佢地話如果係轉校生, 如果老師認為可以做interview, 會比個學生做筆試, 再因應成績決定入中文教學班, 定係英文教學班.
我已經同小朋友講左, 係咪好想轉? 佢話如果可以就好啦, 只係擔心而家係呢間學校成績ok, 但去到新學校會跟唔上.
我地都知未必成功, 但都決定試吓. 請問有冇有經驗嘅媽媽可以分享吓, 有咩準備?
謝謝 
全級頭10應該都係叻仔/女啊！
考英文/更好學校好合理！
不過本來係中中，當然一定盡量操多少英文先去考學校！
我冇經驗，識朋友仔級頭插MCS小學
不過都係中轉英，所以interview之前都係操返多少英文同英數。
不過留意！同小朋友講去到新學校未必一定有好多朋友，唔好幻想太好！不過既然佢希望讀英中，所以一試冇防！比佢轉校並唔代表幫佢逃避人際關係，去到新學校一樣有機會面對新問題！就算新學校未必考頭10唔緊要，最重要係讀書個心仲係到，唔好咁易放棄！始終新環境，大家做好心理準備，一齊面對。
小朋友好乖，對自己有要求
希望佢轉到對佢學業好的學校
好奇band 1A轉band 1A成績都爭咁遠？我仔都係band 1A咁轉入另一間1A名校，成績上冇太大分別，但係有講d 同學有d 好有錢，多左同我反影想換電話/買名牌銀包之類既要求，我反而覺得呢方面都幾大分別，要多d 引導。
有時同輩影響大過學校本身，有啲同學天生某幾科勁，近得多都不會差得去邊
睇下係邊間 1A 轉邊間 1A
喇沙轉男拔，英華女轉 Paul Con，當然冇問題。
如果係普通地區所謂 1A (schooland 部份 1A 都幾肯定實際不是 1A，例如蕭X、聖母XX)，轉去直資 1A，差距可以好大，尤其轉過去嘅原因唔係學術，而係體藝。
樓上個圖，協恩 5 班制 點都 150 人，有科目排到 40/150，都唔係咁差。個感覺應該就係同好多小學生以前級 5，入到 1A 之後排好後嗰個落差。我識人小學一線私立級 3 插一間更勁嘅私立，第一次考到 top 4X%，期追到去 top 20%，但上返級 3 內就不可能。
我諗上面幅圖重點係勁人太多，佢揀唔到自己最想讀個科而失望。如果唔轉校，佢就可以輕鬆讀到啦。
所以係大池小魚既risk. 讀唔到自己鍾意個科真係好sad
我都有擔心呢個問題, 但係真係唔試唔知. 本身就唔係想一跳去到band 1嘅, 不過有時聽佢講, 想專心上堂, 有d同學又會嘈住. 佢話上左中學, 覺得要努力讀書, 今次係佢自己提議想轉校…
咁我諗我大人返工, 都想搵份人工高少少…我做媽媽都應該聽吓佢嘅感受, 所以諗住試吓啦. 而且得唔得都要睇學校決定嘅 
最重要佢要有心理準備轉校對人際關係未必有大改變;天外有天,人上有人,名次或會退後,所以比現在要更努力.
如果佢有遇強愈強既鬥心,那就盡力爭取,加油. 
非常同意… 我以過來人身份講句, 揀到自己鐘意嘅科真係好緊要, 因為會影響到日後要行嘅路…假設, 你想讀醫療科目, 你無讀到Bio, Chem, 入大學計分會蝕, 就算俾你入到學系, 你都要辛苦讀返呢兩科, 因為係必需… 再且, 有興趣而讀, 事半功倍, 無興趣強迫讀, 一定讀唔出成績…
樓主, 仔仔有上進心係好事, 要俾佢試, 但你都要分析俾佢知, 轉校之後好與壞, 個人覺得, 如果有能力, 一定要學好英文… 日後選擇先會多…
見好多呢D情況. 講多兩句,見到好多孩子喺呢個教育過程,感覺都唔係真正為了學野而去學.
好同意！ 小朋友想上試係好，但唔同轉工，轉工如果中伏仲可以轉，1年轉3次都得，但轉校唔係咁易。佢只係見眼前困惑（d人好嘈，想試自己實力）未必諗到咁遠（勁校修科問題，朋友問題）。咁如果衡量過轉校後都可穩入自己個科，咁可以試呀。
暫時都未知佢想選邊科呀, 不過我見到有帖講, 讀中中嘅, 第時上度高form/再上大學會要好勤力先勉強跟得到. 我都好擔心啊.
