如題：你地屋企有D乜無謂嘢？
大陸糧票, 不過聽講係專for港澳同胞
杯多過人,有分水杯、咖啡杯、果汁、保暖杯, 但其實永遠只用一個杯飲所有野
4個讚
紀念？
我屋企多以前買落嘅袋，唔貴，但自己用來用去都係嗰個
打仗時候嘅軍票，有一箱放咗係床下底，屋企人點都唔會掉。
1個讚
手袋 - 用黎用去都係嗰兩個，其他放係度無用過
碗碟 - 用嚟用去都係嗰幾隻，其他得個擺字
小朋友玩具 - 已經唔玩但又唔俾我扔，等過完暑假再問係咪真係要keep
係掛，我從來未用過，父母唔掉，又唔阻住，就繼續放係度
娘家：大量膠袋、外賣膠餐具、水樽、報紙及買報紙送嘅紙巾
其實唔係無用嘢，但個量根本一個老人家唔會用得晒，因為不停又會有新嘅返嚟，叫佢只儲少量，多餘嘅分俾其他街坊又唔肯，成日覺得有日會用得著…
好型
自己屋企冇
但舊同事屋企仲keep住好多橙色惠康膠袋
一個A4箱咁多，佢覺得廿年後好值錢
未聽過香港有糧票, 我只係知大陸 N 年前係有配給糧票
比佢地買米油好似仲有布票.
係唔係日本當年要香港人買果啲軍票？
大量膠袋, 大量相片我爸後生個時係影相發燒友.
軍票就有聽過, 但應該係兩樣嘢. 軍票好似比日軍佔領後
日軍發行係當時係當錢用.
大陸以前配給糧票係每人每月分到幾多米幾油既票券,
去買個時都要比錢, 用黎限制你買幾多唔可以買多, 當
然都有黑市你無糧票就比貴價價錢去買個樣嘢.
會唔會係講緊外匯券?? N 年前返去大陸
香港人係換外匯券黎買嘢.
我屋企嗰啲就係大陸糧票，專for港澳居民，一般大陸人當然唔會有呢種糧票
我都唔知正式叫乜, 父母叫開糧票, 我跟住咁叫, 淨係知佢地手上嗰款係港澳居民專用,
佢地話當年同大陸親戚食飯, 比張糧票親戚, 由親戚拎去埋單, 班侍應面口完全唔同晒, 以為佢係香港人, 親戚開心左成日
1個讚
比港澳就真係唔知無聽講過, 可唔可以影張相黎睇下??
我屋企人又係會喪買杯，但其實用嚟用去都係嗰一兩隻
1個讚
我扔左好多
有啲夾公仔嘅公仔收埋左
應該已經掉晒，每日都揾啲無謂嘢出黎掉
而家掉到杯碟
Vintage 杯碟
買時覺得會好優雅咁用 最後係唔捨得用
2個讚