根本兩個人係獨立個體，傾唔埋重傾？又冇細路，自己做想做嘅事，好過到頭互相賴對方
而且我唔覺傾買樓同移民係為對方著想
買樓要鍾意，抵，唔影響正常生活先買
除非老公唔比用筆錢，樓主有幾百萬可以比首期，想再應該一早買左
1x年前 d樓先 10萬8萬首期，好多人得呢筆錢都買左樓
移民，過到去退休要女方養嘅，點叫為女方著想？
除非樓主講明去到肯獨力承擔大部份責任。
不過作為一個負責任嘅男人都未必肯。
迫一個60歲嘅人移民，對方都好焦慮同辛苦
2個讚
呢個就要睇下樓主點樣選擇，都係一個考慮嘅角度，暫時樓主未諗到呢步
1個讚
所以我叫佢地拎出嚟傾
我估樓主老公可能一日過一日咁
唔計年齡嚟講，如果移民係去就plam
唔去就計下退休plan
都60歲啦
3個讚
佢堅持佢老公會去
不過去到有乜事都好，千奇唔好埋怨對方。否則係另一個地方更加難受
其實你哋兩個嘅步伐會唔會已經唔同咗？你想做嘅嘢佢唔想做，我覺得又唔一定係佢自私，始終移民，就算係返去佢Home country ，都係人生大事。
真實例子，我身邊有兩個嫁外國人，女人想移民男人想留喺香港，最終男人讓步，兩pair 都離婚收場。
2個讚
其實不如講下因為咩想移民。唔知係咪宜家移民易左個個都話想移民，明明未係個個地方生活過，如果無錢無技術，去一個比宜家生活指數仲高既地方，係hell mode既開端。
1個讚
我都係咁覺得
唔好以為純粹想就去，柴米油鹽，個人感情都要諗
太多人覺得香港唔舒服就移民，移完民問題仲多，又loop返邊個話去移民嘅源頭
1個讚
拿其實樓主係有講佢移民原因嘅，佢話係佢心願，的確有好多人（包括我）都會好想試下外國生活，香港生活係好大壓力，佢冇小朋友，又有錢，有能力，係可以跟自己意願過自己個人生。都係嗰句：唔啱咪返香港囉
移民要快，以樓主年齡同而家個時勢
但問題係始終結咗婚，同個老公有感情，唔係話自由就自由，所以咪上嚟問下意見，睇下點同個老公傾，我就感覺個老公唔係好諗佢，自私嘅，不過要樓主比多少少資料先，例如移民後佢係咪都唔會做嘢？佢有冇一技之長？本身佢有冇話留喺香港/移民後點打算？靠你？
1個讚
多謝大家嘅意見先
既然大家想知，俾多少少資料大家：
點解唔一早買樓？
-老公未識我之前買過，輸咗七位數，有啲一朝被蛇咬百年驚草蛇
-係近呢幾年先至叫賺到錢，賺到錢嗰陣300尺已經過五百萬，就一直睇一直拖
去到美國生活問題
-我一早已經諗住過美國，所以特登讀咗一個美國認可嘅專業資格，係當地好demand嘅job，搵工有信心唔成問題
-至於我老公本身係美國長大，所以唔存在於佢返美國唔適應嘅問題
多謝晒大家嘅意見先，遲啲會delete呢個post，感謝大家。
1個讚
咁當然去美國對方既生活、住屋開銷可能貴過香港都要考慮。
至於有人問老公經濟收入如何，佢係香港有啲freelance 收入夠自己用，佢既傾向唔係想搵我養佢，不過佢一直冇做退休準備係事實，佢絕對係過得一日得一日嗰隻人。
如果真係搞唔掂，我都有養返佢轉頭嘅心理準備。講到呢度，呢個都係我想去美國嘅原因，因為佢之前有係美國工作交左10年稅，所以會有少少退休金（夠食用咁），萬一Touch Wood身體真係有咩事，都係諗住靠當地政府（但我未做research唔知呢個諗法啱唔啱）。
1個讚
咁樓主你都好有準備丫，計劃咗咁多又有讀書 
你將你呢個計劃講比對方知啦
無話叫佢唔好移民，可以移去生活指數低啲既地方。
同心願去外國住，旅居都得。
同埋現實咁講，如果兩個人40-60歲拎住300百萬無樓咁去外國，絕對唔叫有錢有能力。未計60歲後多病痛。
加上佢呢個年紀移民燒哂啲錢仲點返香港。你話20-30歲就話可以一試。
2個讚
宜家先睇到呢個回覆。咁如果你計過哂又係你心願，都可一試。
襯未delete post 想快快講，已經慣咗香港
又離開咗外國咁耐，物是人非
係會唔適應的
去美國唔一定要去LA, NY, SF, 梗有啲states 生活成本合理，如Maryland，你可以send CV試吓係咪搵到工先，secure咗有份工你咪同你老公商量實際行動，得個講字只係拖拖拉拉沒完沒了。
3個讚