但佢老公去英國係咪要拎visa?
我都concern佢老公美國公民身份，
因為5+1講到明如已經係另一個地方pr ( 除左香港），係唔會批visa定bc,
但我唔清楚如果樓主做主申請人，老公當dependant, 情況會唔會唔同
1個讚
但可能要放棄美國國藉？？雙重國籍問題？
冇樓喺手先最正 話走就走
去到果邊一係做專業一係從頭再start business
又唔一定要買樓
拎住幾百萬做定期幫補下生活費
其實都幾正
講係咁講啦
但始終都係你兩公婆傾出黎
唔摺生意 轉搞其他野得唔得
睇得出你老公想留低
同埋美國真係治安好差
歧視又多 生活費好高
3個讚
英國容許雙重國籍,
但問題係bno visa唔容許你有另一國家PR,
樓主老公當然可以申請做BC, 但應該就唔可以用bno嘅方式 (bno dependent我唔肯定得唔得, 但應該唔得), 可能要等樓主做左bc後, 用返傳統spouse visa方式申請佢老公,
一就surrender 美國國籍, 但唔知要唔要過冷河
好多人未試過係外國生活，都會覺得外國生活好過香港，呢個係大部入人嘅錯覺，係生活環境上面，可能係會好過香港，但實際上未必係
你嘅不安應該係
- 無自住樓，擔心將來住屋問題
- 生意比以往差，擔心搵唔夠錢
- 你地兩個無做好退休儲備
8個讚
樓主老公會唔會因為都有啲年紀
所以唔想改變去適應新生活？（就算冇經濟考慮）
我有親戚50+先去英國，本身佢地都係英國大，但之後個老公適應唔到，話冬天果陣抑鬱到想自殺，呢傢佢地一到冬天就去泰國/馬來西亞旅居
2個讚
我會咁諗：
由於你老公年紀唔細，又大你咁多年，係咪都要考慮埋萬一有一日佢行先之後你點樣生活？
如果你嘅意願係想向美國退休，或者過埋下半世，咁你同老公就要把緊時間幫你攞到綠卡先，比你將來有多個選擇向邊度生活
其次你哋冇小朋友都易攪好多，揸住啲cash，去到美國慳啲洗都用到1段時間，你去習慣吓當地生活先，如果過去1兩年都唔習慣，咁攞到綠卡都冇意思，疊埋心水返嚟香港plan個退休生活
如果去到覺得生活環境好好，你自然會諗辦法點樣繼續向當地生活，搵嘢做
總之我覺得唔行唔郁係唔會有答案，你40幾歲我都覺得仲有空間嘗試，萬一過到去生活唔到，返嚟香港繼續做嘢，離65歲退休都仲有十幾年，仲可以再搵返一畢錢
2個讚
Exactly ! 我老公就係咁講，佢覺得香港其實算唔錯，但我就越嚟越鬱悶。
治安應該比美國好
如果真係去就會學泰文
係，樓主無樓無小朋友、另一半有綠卡、有幾百萬cash，樓主自己攪生意都證明到你都係叻人，你個起點已經好過好多人，就算唔走都要諗將來住屋，不如趁宜家你仲後生就好走，如果唔係你只會永遠有個遺憾（既然你講到由細到大嘅夢想）。當然落腳點仲可以再傾傾。
1個讚
我係加拿大住咗10年，你問我香港定加拿大，真你好睇自己想要咩，香港真係方便，食，玩，買好方便，但住屋環境就一定加拿大，屋大，舒服，有車嘅話可以周圍去，但連老麥都要開車出去，尤其是冬天，身一年，好開心，雪呀，鏟雪好好玩，第二年，唔好落啦，要半夜出去鏟，再過一年，天呀
呢D就係幻想同現實分別
3個讚
當初有無訂目標咩為之揾夠。如果你40幾，你士公大你十幾，咁而家就係合適時間啦，再等真係走唔郁。
其實唔試就唔會安樂。
老公都成 60歲，返美國有冇完善退休準備？
經濟心理上接唔接受到得你一個人做嘢？
個邊醫療冇保險會好大鑊。朋友近年移民去，好似可以申請類似綜緩的資助去買醫保。詳情唔清楚
幾百萬唔係好多錢，如果為慳，住到山卡啦咁遠，到時會唔會更唔適應？
眼見來到 uk 過到退休生活嘅都有一兩千萬，有啲重 keep 住有中港收入
泰國應該唔錯，生活消費平，又近香港，可能重可以manage 到香港嘅生意
識個香港人成日嗌冬，為左慳電少開暖氣
但又嫌英國啲雪唔夠厚，冇得滑雪
真係唔識答佢，唔明佢係生活係幻想定現實
1個讚
泰國仲會收黑錢
呢期冇玩紅黃衫軍囉
由abc程度咁學，到底學幾耐先夠生活，睇當地嘅文件
1個讚
滑雪去旅行滑啦
佢話冇錢去旅行
就算加拿大咁大雪，都要比錢去滑雪場滑啦
正如香港住海邊都唔係跳落去就游水呀？真心膠可以無視
好多嘢係有錢先做到，又唔會因為人冇錢做唔到而話人膠