我將一部好舊嘅notebook 比一位IT部同事拎去深水埗整 (部notebook嘅牌子係香港已經冇維修中心). 大約4個月都冇咩聲氣 (果位同事都會出trip, 有時唔係香港) 咁我問佢部laptop而家咩情況? 佢話整果個人"唔見左我部laptop’'.
我有問佢有冇invoice等我可以同果個人聯絡, IT同事話識左果個人十年, 都係講個信字, 所以冇單. 佢話對方表示買過一部新laptop比我作補償.
本身我部laptop真係有7-8年歷史, 好大部, 最上果次2020年開機都自動熄機. IT同事都有講, 未必可以整返, 不過機入面有我小朋友細個d相(有backup一部份, 但唔係全部), 所以我先至睇吓有冇機會整返
我有諗過會唔會我部laptop比維修果個人拎左去賣? IT同事話我部機太舊, 唔值錢.
請問大家會點處理? 我已經認左唔會搵得返部laptop架啦…
謝謝 
既然都無左唯有接受佢賠過部比你.
真係多騎離，睇多滯
下次講小朋友追SEVENTEEN ，ENHYPEN炒極唔熱場
咁有部新既, 都好過咩都無
不如問下, 幾時比返部新機
下次如果touch wood, 有咩壞
問下你IT同事, 可唔可以單抽返D相
(當然要group 好D file)
下！咁痴線！
真係冇計，佢肯賠都要接受
但你位朋友又係，單都唔攞
你報警都冇用，你冇單
慘
經一事 長一智
雖然賠返部電腦比你，如果係我會接受唔到！我會同埋IT同事一齊去間鋪，叫佢地搵返部電腦出嚟！始終部電腦有你小朋友啲相，要小心處理
經一事長一智，宜家咁方便，相片要定期backup。
整嘢要有單有據。
我反而覺得似係拎咗你部機啲零件嚟做其他job
但肯賠新喎、舊零件有咁值錢？整爛左似啲….
咦咦
勁似個我朋友咁
佢又係搵IT同事介紹既鋪頭（最後原來間店係個IT同事搵個保安同事介紹既鋪頭）
個間又係無聲無氣，最後又話唔見左佢部腦
又話賠俾佢
勁可疑！！！！佢堅持要返，搵男朋友陪去拎返部腦
幫客人整電腦會整唔見客人部腦？我都唔相信
咁結果呢?
呢個case 有可疑，真心建議你上連登問，應該有人知發生咩事
所謂新機都可能求其係啲二手機整返好俾你。
可能其他人又係有依個牌子嘅機想整返好，對方俾得起錢只係差零件啫
不過我都係亂估，要搵內行人至知。
如果樓主真係好想要返部舊機，或者樓主試下俾多少少錢，叫對方搵真啲睇下搵唔搵得返部機
話唔定又可以搵返…反正宜家都無嘢可以做，如果唔係就拎部新機走算。
我朋友堅持要返部機
鬧到報驚咁先肯俾返
根本就係到
無唔見
但咩原因扮唔見呢
勁可疑
我都覺得好可疑，咁大部機真係可以唔見咗咩？
細細件物品唔見咗都仲會信 (當然唔應該發生)
但係我係登冇account 
我而家諗緊同個IT同事講, 由於一直冇聲氣, 所以會報警. 但係又驚會破壞大家關係
我懷疑根本冇所謂嘅"整電腦朋友", 可能我部laptop比個同事拆散晒搞唔掂
都唔出奇
但係就算真係拆散曬
都要返條「屍」
如果唔係感覺太可疑