只實好小事，喺度講下炒下場，其實之前幾次都發現有野唔見，唔係貴重嘢
都係零食，餅乾，幾包糖，茶包咁，獨立包裝coffee mate，包裝飲品(本身都係買嚟招呼朋友上嚟食）
今次佢地走咗，又係見到櫃入面幾個茶包盒入面冇咗一半，同膠盒入邊零食樣樣少咗幾包（明明唔覺佢地食咗咁多），忍唔住睇返眼仔記錄
見到朋友同兩個女間唔中都行過去個櫃度，每次攞幾包，拎完放兩包喺枱面，其他就袋入自己袋（佢哋出去食放題，都好鍾意拎啲嘢飲塞入自己袋，忍唔住出聲話過佢教小朋友咁做，之後都冇再約佢地出嚟食）
之後打返俾朋友問，佢解釋我張枱亂，所以先袋喺袋度，諗住之後有拎返出嚟食，但之後外賣嚟咗就唔記得，我都冇爭拗，比佢知我知道就算
唔計茶包零食，佢哋每人都拎咗三包紙包飲品入袋，仲有幾罐汽水
啲嘢唔貴，佢三個嚟我屋企的士來回都唔止，係咪真係慣咗手勢改唔到…
佢個藉口好牽強
雖然唔係貴重野，但我都接受唔到啲人不問自取，衰啲講，咁都要貪？
係
之後佢都冇再揾我
可能覺得樣衰
當然我都唔會再請佢哋嚟屋企
小時偷針, 大時偷金
當自己去酒店度住, 係咁拎野走?
根本就係家教問題啦, 唔通鋪頭貨架d 野擺亂左, 你又可以教小朋友將貨品"袋喺袋度"?
我係你應該就唔會再招呼呢家人上黎屋企喇, 小朋友都算, 連個大人都係咁
其實發生呢件事係以前停課果陣啦，嗰陣冇地方去，朋友間都係你去吓我屋企，我去吓你屋企，呢傢小朋友各有各忙唔會約出嚟
無錯係家教問題, 佢地唔會覺得咁樣係唔啱, 佢地自
會覺得你都預左係度比我地食, 咁我攞走都無問題,
講真係鍾意食想食多小小出聲講, 人地唔會唔比而
唔係不問自取是為賊也.
咪係, 食放題都要偷野飲, 真係好cheap。
呢d 係貪小便宜, 總之響人地既口袋度拎著數, 無本生利就覺得開心既心態。仲要大人都係咁拎茶包先cheap , 呢d 真係朋友黎?
其實啲嘢真係買嚟招呼有人上嚟果陣食
佢話隻日東紅茶好飲，臨走我都比咗盒新嘅佢，叫佢拎返去同奶奶飲
emmm 我會叫埋自己小朋友疏遠呢D人
佢本身仲要教小朋友咁做？
真係生仔要考牌。
提醒佢咁其實同偷野無分別
我都有個朋友係會貪小便宜, 但佢唔會唔出聲就攞走,
佢會話左問右問想你比佢, 不過佢會識得自己有嘢會
分享比你咁我當大家有好嘢就分享.
係law, 如果雙向我覺得OK
同埋要出聲呀, 唔係話恃熟賣熟就又食又拎
其實打得去開口問，加上查眼仔，證明唔係小事，你係好介意。
介意係正常喎，價值觀問題，我都接受唔到登堂入室嘅朋友會咁樣做，當然亦唔想小朋友同佢地太熟啦。
你做得好啱，偷嘢係會升級，今次偷你嘢食，見你唔為意（即係唔在乎），下次就會試吓偷其他嘢，就好似啲工人姐姐偷嘢咁，你唔為意就試吓偷啲貴重嘢
所以一定要比佢知你少少嘢唔見咗都會發現，但好老實講，呢啲人唔做朋友都唔可惜
(直接講 
) 你叫左個賊黎屋企喎
唔知當刻, 佢點樣同D仔女講, 可以拎, 唔使問屋主批准
(越fd越拎得咁呀??)
難以理解某D人既心態
有d直頭係家長教，貪小便宜。
細細個阿哥有個同學仔，佢上黎我地度玩阿媽就唔煮飯，一齊去食麥當奴，當年既紙巾都係任拎，同學仔拎左兩吋，阿媽叫佢唔可以咁，用幾多拎幾多，同學仔表示如果唔拎阿媽會鬧。
血淋淋例子，
99朋友，個女手腳唔乾淨，有幾部細既tablet想拎黎用時搵唔到，平時都係幾個家人一齊用，諗住唔搵佢就會出返黎，但一部又一部，前後唔見左3部。
之後99先回想每次發現唔見pad就係佢朋友個女上黎之後，個女小五，有時99朋友有事趕住去就會帶個女上黎睇住下。
之後有次仲唔見cash，直頭係入我地房拎 
真係好嬲，99仲可以話可能係誤會。
我話誤你老x，即時報警。同時99打電話問果個朋友有無拎 
自始無再見過果兩母女。
有少少心涼既係，佢個朋友拎左既cash有一半係佢，仲有嫲嫲傳落黎俾孫新抱既金介指。
自己做賊都算
仲要教埋仔女做賊
係，費事比佢d小朋友教壞晒
咁攪笑
我有聽過有啲人啲銀仔就咁響屋企嘅門口櫃咁，有啲嚟玩嘅細路會拎人地啲銀仔
完全係賊嚟，絕對要比佢知道+疏遠，費事教壞埋你啲小朋友
我去餐廳攞紙巾最多攞多一張