我見通常都係2姊弟都係偏心細佬，3兄妹偏心最細嗰個妹等等
岩岩生左兩個，可能一仔一女冇得比較，我同老公自問冇偏心。
唔會，因為每一個人都係獨一無二。
無偏心就呃你，只係點樣去做返平衡，細個係一個整偏心呃環境下成長，所以我完全明白小朋友感受，一早做定預防工作
我直程聽過有阿媽講，話唔鍾意中間嗰個，因為成日駁嘴
但中間果個讀書最叻，應該大個就會遠離屋企
父母同仔女都講緣份
通常生3個嗰啲排中間嗰個最容易被忽略，但係好多時係最懂事嗰個
2個讚
1仔1囡, 相隔5年, 原則上係無偏心既,但因為囡係媽寶哥寶,大家都會比較遷就佢. 好在阿囡唔係強行要求,係會用爹功 
我反而覺得係就算父母覺得自己無偏心，但兩個唔同既個體一定有唔同，同需要既時間唔一樣。就會引致有比較。
例如一個好動啲，一個靜啲，咁父母或者其他人一定會比較。覺得靜就係乖。又或者一個大啲，一個細啲。咁細啲一定要花更多時間，但大既會覺得點解你花左時間係細既度。
話冇一定係呃你，係唔同程度唔同種類嘅偏心，同時對2個仔女嘅要求亦有所唔同
我見過一個媽媽喺個group度講嘢超恐怖，啲對話一有機會講自己小朋友，就會即刻講個大仔點衰，點自私點冇良心，成日話佢黎攞債，仲要話佢同周凱亮 一樣。
佢話自己擺到明偏心細仔，因為細仔乖好多有純品，不停咁讚個細仔。佢話大仔擺到明知佢偏心，佢都成日問個大仔，如果你自己都有小朋友，大嗰個好似你咁衰，細嗰個咁乖，你自己都偏心啦。
呢個阿媽自己自我感覺極度良好，話佢兩夫妻細個比好多錢去栽培大仔，係大仔自己唔爭氣自己性格咁差好似仇人咁，淨係識得喺房度打機唔出嚟。
真心覺得好慘，仔明明係佢自己生自己教，點解會怪個仔仲要咁對佢。見到自己親生阿媽咁樣對自己，我都會匿埋喺房唔出嚟等大個仔可以走出呢間屋。
3個讚
我自己眼見，兩個以上如果有一個把口特別識tum 人，另外嘅就會比下去
但其實每一個小朋友都需要父母嘅愛
細果個會比較識點去爭寵，因為一出世就已經係一個要爭嘅環境，就算本身性格被動都會識氹人，大果個就比較睇性格識唔識氹人
1個讚
我係細
但細個把口唔得，天生冇氹人嘅意識
好多同人相處嘅常識係後天學返嚟
暫時未有偏心錫邊個多啲，但會叫好 “合” 個個做多啲嘢。
唔係因為唔錫佢，係另一個叫極都唔郁
same, 覺得貼心好多（即係識做人），好難唔偏心落去
2個小朋友但長短處不一，所以唔使偏心，做得好就讚，做唔好就改，2個小朋友都好清楚自己強弱位，會互相欣賞同互助。