規則：唔可以嫌人窮 
以前番工倉務部有個同事，食煙會食幾啖整熄佢收埋，下次煙癮起再食，佢話食煙好貴，然後過左1,2年佢直情成功戒埋煙，係好事黎
10個讚
細個好窮，要執麵包皮食。早餐食粥，$2個炒米粉無錢買，小息當然都係冇零用錢買零食。無錢買冬天長襪/厚底衫，屋企都冇厚被，一到冬天就返學瞓覺都好凍。
暑假冇錢去參加活動，我記得只係兩蚊。
到中學一樣冇錢去學校旅行，每次都係留喺學校溫書。lunch有$10，但最平個飯盒要$12。嚟M有親戚津貼買衛生巾，要買最平安妮嗰隻，無翼，漏到周圍都係。胸圍就冇津貼啦，所以我寒背，一直到而家。
全家人一次都冇出過去街食飯/旅行/行街，不過會去沙灘玩嘅，泳池就冇錢去，但其實去玩完好肚餓，都係食唔飽。月尾都會有幾日食豉油撈白飯，唔會食公仔麵，因為一人一個嘅話會貴過煮煲白飯。記憶中最食得飽，係有次受傷入醫院住嗰幾個月，夜晚仲有雪糕食。
肚餓同凍都唔係最難頂，帶住我周圍問親戚朋友隔籬鄰舍借錢啲嫌棄眼神，我幾歲人仔都feel到，一世都忘記唔到。
4個讚
細個嘅事
小學嘅時候約咗個同學仔去玩，佢話佢食緊飯就叫我上佢屋企先，上到去就係見到佢同佢阿妹1人1碗白飯，前面有1碗番茄，係咁多喇，佢仲問我食唔食飯，仲有白飯，我話唔洗了
呢件事我真係好深刻印象，我屋企細個都算窮，但阿媽每餐都會煮到有菜有肉食，所以真係未見過淨係得番茄做餸
後來大個咗都仲有同呢個小學同學聯絡，我有提返呢件事，佢話佢都唔記得了，但佢而家生活環境都好好，都慶幸大家長大後脫貧了
7個讚
窮到最後要拎綜援。
記得細個老豆係擺街邊賣小食，但個樣小食夏天係無乜人想買嚟食嘅。有年夏天跟我老豆搭小巴去到長沙灣工廠區擺街，個時長沙灣工廠區好多小販擺埋，企咗幾個鐘，一隻手都數到買得幾包，車錢都蝕。
成功戒煙好方法
好叻，又聰明
好難受
你要自強，唔好自卑
我有個朋友細個好窮，老豆冇錢拎返屋企，冇錢買褸，佢冬天冇校褸著朝早喺操場係咁打冷震，老師問佢凍唔凍，佢話唔凍，但佢一世都記得個感覺
2個讚
小朋友細個唔好話自己一間房，連做功課嘅書枱都冇，行玩具舖一律冇得買玩具，連文具都要默書100分先準買，呢個係我來
3個讚
細個唔會覺喎
↔羨慕人哋有媽媽多啲。
大咗先發現原來細個好似好慘咁
同埋窮唔代表啲乜嘢，反而更加識得珍惜食飽穿暖唔係必然。
人格/人性價值唔好扭曲先最緊要。
15個讚
呢個都係我嚟，我中學前都係飯枱上面或者床上面做功課，細個去百貨公司、文具店完全得個睇字，我去中學同學屋企佢哋連卡拉ok都有，仲講緊去澳洲美國exchange同讀書，我羨慕到不得了。又冇新衫著，出街都覺得自己寒酸
往事嚟
鄰居媽媽離家出走，爸爸帶著幾個女兒！女兒們冬天無厚褸，衣服洗到發白甚至破爛都傳給下一個妹妹，來來去去得幾件，又成日食唔飽
我老豆當年成日拍佢門，帶那叔叔返抄散，勸佢戒酒，好彩後來叔叔找到全職，三個女兒又生性，終於過番正常日子！好開心見到她們可以重新抬起頭行路，又重拾笑容！
13個讚
係咪因為個老公冇用？冇將來？但拋低三個女點做得出？
個老公衰爛飲，成日唔返工，個老婆同對面屋爸爸打牌打出真感情而兩個離家出走。慘在對面屋媽媽屈到有情緒病而且有一段時間蝦幾姐妹（覺得佢哋媽媽勾人老公），令幾姊妹更抬唔起頭做人。
Same，不過我係去到A level先有張枱，我連中學都係得兩個bra，今日著完即洗，如果唔係冇得著。讀緊中學，仲著緊哥哥家姐舊衫
但後來大過就知唔係窮，係媽媽睇錢睇到，唔捨得洗，我有機會去外國讀都係爸爸退休金。
到今日我媽仍然最鐘意同人斤斤計較，我都廢事同佢計
1個讚
細個唔覺得物質上嘅窮慘
反而中學羨慕有同學考試測驗佢爸爸會車佢返學
考完試果日父母會接佢放學去食好嘢
自己嘅父母連自己中幾，讀邊間學校都唔太清楚….有年會考放榜，問我考成點，但果陣我已經中七
我細個屋企好窮,父母唔生性,我家姐好衰,佢明明成日逃學,我對返學鞋唔岩著,問佢借黎著佢唔肯,老母不知所謂連幫我手借都唔肯,叫我屈住對腳返學,屈到我腳指尾變形…
我讀書唔差,屋企窮,成家都唔俾我繼續讀書,要我考完會考就返長工
你哋大個有冇因為細個窮買返多嘢？我有
我無,初期好慳下 
慳到雷曼爆左後,同老公夠錢買樓~
之後大病過又差d抑鬱,而家會捨得駛錢同呀女做開心野,反正呀女愈來愈大,我就快可以返番工,而家駛我自己既積蓄都唔怕
3個讚
