唔想交朋友的小朋友

家事討論 子女成長
1

小朋友5歲，讀緊reception，對上有個家姐
本身都知佢性格怕醜，慢熱，諗住返左學會好啲
點知返左學接近一年，越來越怕醜之餘，情況仲差左

佢同家姐/家姐同學玩得好好，好活潑
但一對住同齡小朋友就硬曬軚，唔想去同人玩
放break只會坐喺一邊等家姐嚟搵佢玩
上堂時同學仔埋嚟邀請佢一齊玩puzzle/畫畫，佢say no
老師好好，拉啲單獨玩緊的小朋友搵佢，佢又say no
最近學校班房維修，上堂時間出左playground玩
佢就企喺樹下面企足2個鐘都唔出去玩
返嚟我問佢點解，佢話I don’t like playing

佢返學係開心嘅，好少話唔鍾意返學/喊住入班房
所以唔似有bully問題
同埋佢唔係唔想要朋友
曾經喊住講過I have no friends
話啲同學always forget her（事實係啲同學做完野，例如20分鐘drawing time+40分鐘free play，佢用左50分鐘去畫畫，但同學仔已經喺20分鐘趕頭趕命畫完去玩）
又或者佢見到A同B同學玩緊，佢又唔好意思行埋去

我買過啲繪本同佢講朋友的重要性，佢話明
但講多兩句，佢就好似好失落咁扁嘴/傷心

我唔知我應該點幫佢
我接受佢比較靜，亦理解唔一定每個人都需要好多好多朋友
但至少都有一兩個丫
見佢喊住爆左句I have no friends，我真係好心痛

2

係咪觀察型小朋友？個confort zone 好大，大到要等耐d 先儲夠膽很出去？新學校返左學幾耐？

覺得上面呢句唔係真，未入肉，但唔想講，可能唔識表達。

3

你識D同學仔媽媽先，跟住整吓playdates (邀請放學一同去park 玩，再熟D就去你家玩吓)
play 多幾次熟咗就學校都會一齊玩

2個讚
4

佢似係唔識或唔夠膽同陌生人打招呼傾計
家姐同家姐朋友比佢大，所以會主動同佢玩同讓佢。但其他人佢似唔知點開始同點接觸。

可以由你做起，比佢睇你示範好多次。
例如平時你帶佢去超級市場或者餐廳，你主動同陌生人打招呼傾談。
例如你帶佢去公園玩，你主動同其他家長同小朋友打招呼，帶埋佢去同其他人溝通。
之後再話俾佢聽同其他人傾偈好開心，可以點入手。唔需要逼佢跟住做，但係佢會慢慢觀察，慢慢就會覺得呢件事係開心同安全嘅。

夜晚瞓覺前可以對住塊鏡練習打招呼，可以練習點樣介紹自己。

可以搵啲公仔一齊 role play ，介紹自己，一齊玩 etc

1個讚
5

係，佢要觀察好耐先肯行出第一步
新學校都返左7、8個月架喇，由頭嗰2、3個月喊住返學，到依家喺門口會開心同我講拜拜，已經好大進步

6

同啲家長都ok熟，亦安排過playdate（都係香港人）
同朋友仔friend過一輪
但朋友仔同第二啲同學玩時，佢又唔肯行埋去一齊玩，問過佢，佢大概意思係如果佢行埋去，會好似搶左人地個朋友咁

7

就係唔係先難理解呀:joy:
同佢去買野，佢會好開心咁同人打招呼/傾偈
我啲朋友嚟食飯，佢可以對住人地又唱又跳:sweat_smile:

我覺得佢似係同唔到同齡的朋友仔玩
而我唔知點打開佢心結，唔明佢點解同同學玩唔埋

我有問過老師，老師話觀察到佢專注力好高，鍾意做一啲學術上的活動（數學/寫字/畫畫…），多過一啲動態的活動
例如出playground玩，佢唔想玩，老師俾舊泥膠佢，佢可以好專注咁玩一個鐘
我有諗過唔知佢係咪覺得成班小朋友跑嚟跑去好無聊

8

似係怕羞和慢熱一些。

我仔剛番學就好快識到朋友，不過佢都有次喊住同我講話朋友唔理佢。了解後，原來係朋友喜歡踢波，我仔唔鐘意，但又唔肯試吓一齊踢，於是佢就自己一個企到小息完結。不過我都有同佢講可以多啲同其他同學玩，之後我都有聽到我仔講吓其他同學仔個名。

9

約成班咁一齊玩
剛剛我都同個女既同學仔們去picnic
本來話唔來果D都來了
你搵個park 咁既setting, 每人帶D snacks 去share
想玩既玩，食既食，傾偈既傾

10

我細個有d似你個女，我係超級怕醜超級內向，同時亦有d過敏，有同學同我玩，但我感受唔到佢地真係鍾意我，感受唔到佢地真心同我做朋友，好似只有我單方面付出，所以會傷心，會難過，會偷偷地攬住個公仔落淚。其實去到大個左都有咁既情況，我真心對朋友好，但覺得人地冇放喺心，唔珍惜呢段關係，我就一而再再而三咁受傷。

我諗媽媽可以做嘅，就係多啲陪伴佢，俾多啲愛佢，佢會慢慢從受傷嘅心靈當中好過來。

祝你女搵到一個對佢好好嘅朋友:sparkling_heart: