想請教大家，幫小朋友改名係咪有「唔可以同長輩同字」嘅禁忌？
近排諗bb改名，我老公信姓名學計筆劃之類，諗到頭爆先諗到個佢覺得滿意嘅名，我同呀媽講起，佢話個名嘅第一個字同我已過世廿幾年嘅舅父嘅名嘅第二個字一樣，所以唔用得。
我其實今日先知舅父係呢個名，因為一直以來都係用佢名嘅第一個字稱呼佢。
我問我媽點解唔用得，我媽話佢都唔知點解唔得，總之我地鄉下規矩係咁，講到勁決斷。
我有啲無奈，如果係關命理嘅，可能唯有改另一個大家心安啲。但如果係覺得對長輩不敬，我又覺得我地從來都唔會用呢個字黎稱呼我舅父，而且放喺名嘅位置又唔一樣…
諗起要避晒一堆親戚嘅名就覺得好煩。
所以想請教大家不能同字嘅原因係乜野，同埋大家又會唔會介意呢樣野？謝謝大家
我地搵人改完名其中一字有同長輩撞，我問使唔使迴避，無人覺得有問題。
唔係不嬲忌諱咩？捉得正啲的話甚至連同音都唔得，
舉個例，你阿爸叫阿強，你個仔又叫阿強，你叫你個仔時，即變相直接叫你阿爸個名，視為不敬，對小朋友亦唔好。
除非你家族西化，用長輩名反而係尊重。
舅父係好親，你未見過、少見係另一件事，如果係表舅父咁疏應該冇問題。
樓主老公既然咁信風水命理，就更加要再改過個名
你啲長輩好易話為
所以呢個忌諱係因為命理原因嗎？
如果關於不敬，因為我地唔會單字咁叫個bb，加上一向唔係用呢個字稱呼我舅父，所以我自己唔覺得係不敬。
我媽自己講唔出理由，淨係話唔得。所以想喺度問大家，如果大家普遍都覺得呢個係一個問題，我都會跟呢個習俗。謝謝你意見
與長輩同名，會影響晚輩運之類，詳情唔記得，你老公信命理，應該更清楚。
你都識講你唔會叫長輩個名，但而家間接叫緊佢個名，所以係對長輩不敬
我都幾surprise, 事實上真係無人介意，當事人都唔介意
解釋少少我冇交代清楚嘅地方：
我老公係日本人，所以佢信嘅命理同我地嘅唔同，所以佢唔知道呢個規矩。
假設我舅父個名叫志文，我地一向叫佢「志舅父」，所以我一直唔知佢叫「文」，而我都冇諗住單字咁叫我bb呀文，而想叫佢「文x」
我只係無奈我媽自己都唔知理由就直接強硬地ban左，所以我上黎問大家。聽到你嘅意見後我諗我避到就避了，多謝你！
想請問下呢個長輩算係比較近親嗎？
係，中年
咁如果日本人
個字係一樣但讀音唔同架wor
你阿媽話唔好咁你老公又點睇？
我未同老公講呀，因為想自己搞清楚原因先～尤其佢本身想用自己好尊重嘅長輩嘅名，文化唔同…
係啊，日文發音唔同，不過我媽會用廣東話同bb溝通
個仔又唔係跟你阿媽姓，梗係父母話事改咩名架啦
日本人更加冇撞名呢個說法，大把人阿爸同阿仔個名都係差一個字
係呀但叫名會用返日文音？(因為本身都係日文名)如我朋友叫 ‘希美子’ (好似係，我都唔太記得佢個漢字係點寫) 個個都叫佢Kimiko 或kimi
不嬲有忌諱
同埋舅父已過世，更加唔好啦
如果用左長輩個名, 而如果小朋友第時有乜頭暈身慶, 你阿媽/其他家人有說話講你, 而你又唔會頂得順, 咁你就不如考慮唔好用.
如果你當阿媽/其他人 comment 唔係一回事, 反正你老公又唔係香港人, 咁不如跟佢既習俗, 話晒你嫁左, 跟夫家既規矩/要求都好正常
我覺得阿媽覺得禁忌就算啦
呢啲嘢都冇得解釋
同名唔緊要，只要後面加返羅馬數字咪得囉
例如：
George V
Charles III(呢個做緊皇帝添）
陳大文 XI
我個女個名最後一個字勁common, 我老爺有13個兄弟姐妹, 近幾代都有跟族譜, 嚟到我個女呢代姓氏+族譜中間個字就勁難改… 我都信風水命理, 都想搵個好名夾我個女, 終於搵到最後一粒字啦… 我就咩都無理, 照攞出世紙… 後嚟睇返族譜都有2-3位長輩撞名(不過有少少唔同寫法)
係啊，老公呀爸同呀爺就係咁…