我都唔想同人講、上一代就係啃老、阿婆錢唔多但好慳、因為我知除左阿公剩落少少就無人俾錢佢生活、阿媽又借錢買樓、唔借嬲左好多年最後都無左、我讀書啲錢又係借、而家阿婆死左當然錢都無還過、而家完全掉轉哂黎講話自己當年好勤力工作儲返黎享樂、又追收家用等我哋有責任感、唔好諗佢啲錢、又覺得請佢食飯旅行係應該、聽親都好反感
5個讚
好奇你當時幾大個？呢啲內情做孫唔應該知…
如果我咁對我媽，一定唔會講比仔女聽。
唔聽咪無事囉，再講一律唔見面電話都唔聽。應該佢講嘅啫，你可以唔做。
[quote=“015b14fe4bfea4ef8718, post:1, topic:78681, full:true”]
我都唔想同人講、上一代就係啃老、阿婆錢唔多但好慳、因為我知除左阿公剩落少少就無人俾錢佢生活、阿媽又借錢買樓、唔借嬲左好多年最後都無左、我讀書啲錢又係借、而家阿婆死左當然錢都無還過、而家完全掉轉哂黎講話自己當年好勤力工作儲返黎享樂、又追收家用等我哋有責任感、唔好諗佢啲錢、又覺得請佢食飯旅行係應該、聽親都好反感
新興產業今日嘅事
唔係生仔泥把鬼，養兒防老理所當然
而家有好多後生都預父母層樓留比佢，一樣心寒
我朋友個仔十零歲，話讀咁多書做乜，我第時一定有你層樓住及繼承，打散工咪得
嘩真係好PK
買樓又借阿婆錢, 書又唔供你讀, 收家用好應份都算, 仲講到請佢去旅行係應該?!
我覺得真係可以考慮斷絕來往
6個讚
佢無講但我細細個已知無俾錢、有段時期跟阿婆住、親戚間全部都知、但單親環境唔好都明白、到我十幾歲買樓讀書就實知、我而家反感係好似無回報阿婆同唔開心講到靠自己、明明無成長咁一直想靠人、唔係無諗過唔理但佢成日講一個人點辛苦湊大我哋
我做暑期工時請過婆婆飲茶佢重擔心我唔夠錢埋單、平時我媽都唔會同佢飲茶、所以而家成日要請佢我真係嬲
咁點解要同佢飲茶呢？保護自己唔好俾人情緒勒索你啦
4個讚
阿媽幾大年紀? 如果仲後生,既然有樓有屋住,如果我係你,我會搬走,每月俾固定金額(自己計數,唔使理會阿媽滿唔滿意). 假如仍貪得無厭,咁就唔使再俾,斷絕來往.
2個讚
我朋友個仔已經27,啱啱先做一份長工,人工應該都唔多. 佢阿媽都唔知佢幾錢人工, 個仔話等佢阿媽夠65,就一齊申請公屋,有長者快些有得上樓 
我見過人係因為比屋企長期「勒索」
最後扮爭咭數，揾朋友打電話去屋企追債，等屋企人怕咗佢趕佢走
佢長期答屋企人仲還緊min pay
1個讚
嘩呢招勁, 玩到屋企人主動趕佢走。