好奇老公會出差嘅女士們諗法
呢一年老公喺公司轉咗職位，平均一個月出差一個星期 多數都係去同一地方
大家會唔會有時起疑心老公偷食？
少少背景：關係幾好，老夫老妻 不過冇晒新鮮感
我老公唔會出差，但我幻想如果佢要我都會擔心。
擔心但唔係起疑心。即係覺得佢唔會但都會諗。
佢有冇啲異常？例如用多咗電話，出入廁所都帶住
去邊度先？有冇女同事陪？係唔係一個人去？如果同男同事一齊去，會唔會 share 同一間房？ 佢係咩行業？高唔高級？啲客要唔要討好佢搵著數?
冇乜異常
去中國， 自己一間房，去到當地會有一位女上司成日一齊目測大我老公5-6年，個女上司自己有家庭, 行業係finance
其實我自己覺得冇乜嘢，不過女人總是多疑
有時要應酬 夜晚食晒飯先call我
唔好自己嚇自己先，冇新鮮感就諗下辦法去下小旅行，或者一日香港遊，但唔講去邊，到時帶佢去，去啲佢鍾意嘅地方
謝謝你呀
我哋weekend成日都會周圍去，不過去旅行就一定會帶埋小朋友
1個讚
間唔中要二人世界，否則你只會係媽咪，唔會係老婆，幾個鐘都得㗎，唔使全日
1個讚
Thank you 
呢個我明啊，所以出差如果安排到我都會跟佢去 自己留兩日一夜當係少少拍拖
2個讚
擔心嚟都嘥氣，都咁大個人啦
除非唔比佢出去, 如果唔係作為另一半都冇乜野做到,
有本事嘅男人會呃到老婆或自己死嗰日,老婆成世都唔知, aka, 幸福婚姻,
而大部份男人出軌基本上總有一日會被發現,
如果平時冇乜蛛絲馬跡, 即係無事,
唔好去諗未發生、兼你控制唔到嘅事
4個讚
老公都要出差，不過我從來冇諗過佢會偷食
所以我又冇諗li樣嘢，從來都冇擔心過
反而佢出差，擔心佢安全多啲
2個讚
呢個啱
同埋返大陸，會擔心佢應酬要飲好多酒，傷身
真呀……又怕佢要食奇怪野味
1個讚
都好呀，得閒多啲營造下拍拖感覺，個人都冇咁悶
佢要偷食，係香港都會，無得擔心咁多
2個讚
又掉轉諗，你老公出差會唔會諗你去偷食？ 或者你想唔想老公咁諗你？
1個讚
都擔心唔嚟，唔好講出差，有時老公公司食多幾餐飯，我都諗會唔會借啲意出去偷食
諗吓都正常嘅，但唔好過分擔心
呢句真，肯用心思呃足一世，係還有愛，仲 care 對方嘅感受。
睇吓點出法，如果係用錢買嘅，即係叫雞，一個 lunch time 食個快餐真係無人知，除非俾熟人見到或者中咗性病。咁去外地或者兩公婆無咩 common friend，親戚又少， 又無兩公婆一齊出席社交場合，咁被發現機會就好低。
如果有感情成份，有拖拍自然春風滿面，睇得出嘅，同埋個女朋友遲早都想坐正，愈來愈想佔有多啲時間和資源，總有一日會攤牌。 男人無賭王咁多錢咁有勢力，真係唔好諗要多個女人，受唔起㗎！
1個讚
我老公經常出差，有時會去3個星期。我結咗婚超過10年。除咗出差，佢仲會同朋友去外國滑雪，去road trip，我冇試過唔俾佢去。
我冇擔心過佢會唔會偷食呢樣嘢，要偷食嘅邊度都偷到。
2個讚